Tanymal kitaphanashy Ǵazıza Qudaıbergenqyzy Ulttyq kitaphananyń dırektory bolyp taǵaıyndaldy, dep habarlaıdy «Adyrna» tilshisi.
«2022 jylǵy qańtar qyrǵynynda shyndyqty aıtqanym úshin jumystan shyǵyp qaldym. Sol jyly men «Muqaǵalı ǵasyry» atty kitabymdy jazý úshin qyzmetimdi tastap, eki gazetpen kelisimshartqa turyp, azǵantaı qalamaqy alyp, nápaqamdy taýyp, otbasymdy asyrap jatqan edim. Qańtardan soń aınalasy bir aı ishinde eki basylym da kelisimshartymdy toqtatyp tastady. Osyndaı qıyn mezgilde bılikke jaqpaıtyn azamattyq pozıııam men saıası kózqarasyma qaramastan, meni jumysqa shaqyrǵan bir ǵazız jan boldy, ol – Ǵazıza Qudaıbergenqyzy. Úsh jylǵa taıaý ýaqytta Ǵazızanyń qoldaýynyń arqasynda alańsyz jumys istep, «Álem ádebıeti» baǵdarlamasyn júzege asyryp 30-ǵa jýyq dáris oqydym. Mine, búgin sol abzal jan basqa qyzmetke aýysyp, Almatydaǵy Ulttyq kitaphananyń basshysy bolyp taǵaıyndalypty. Jańa qyzmetińiz qutty bolsyn, Ǵazıza hanym! Sizge barlyq jaqsylyqty tileımin. Abyroıyńyz arta bersin!»— dep quttyqtady ádebıet synshysy Amangeldi Keńshilik.
Buǵan deıin Ǵazıza Qudaıbergenqyzy Astanadaǵy QR Ulttyq akademııalyq kitaphanasynyń dırektory laýazymyn atqarǵan edi.
