13 aqpanda Qostanai oblysy, Qamysty audanynyŋ ortalyǧynda audan äkımdıgı alaŋynda jūmysşy jaŋa jyldyq biıktıgı bes metrlık syrǧanaqty bölşekteu kezınde biıktıkten qūlap, qaza tapty, dep habarlaidy "Adyrna" ūlttyq portaly.
Äleumettık jelıde er adamnyŋ audandyq auruhananyŋ jansaqtau bölımınde şamamen 23:00-de qaitys bolǧany turaly aqparat tarady.
"Mamandar jūmystar jürgızu kezınde qauıpsızdık tehnikasy erejelerınıŋ būzylǧan-būzylmaǧanyn anyqtauda. Eŋbek qauıpsızdıgı erejelerın būzu saldarynan adam ölımıne äkelgen jaǧdai boiynşa sotqa deiıngı tergeu bastaldy. Oqiǧanyŋ barlyq män-jaiy anyqtaluda", – dep mälımdedı Qostanai oblysy polisiia departamentınıŋ baspasöz qyzmetı.
Sonymen qatar, būl qaiǧyly oqiǧaǧa oblystyq densaulyq saqtau basqarmasy da pıkır bıldırdı.
"13 aqpan künı saǧat 19:22-de Qamysty audandyq auruhanasynyŋ qabyldau bölımıne 1966 jyly tuǧan nauqas jetkızıldı. Onyŋ diagnozy – "omyrtqa men jambas süiekterınıŋ köptegen synyǧy jäne 1-2 därejelı jaraqattyq şok. Nauqastyŋ jaǧdaiy auyr bolǧandyqtan, jansaqtau bölımıne jatqyzyldy. Medisinalyq tekseru men emdeu hattamaǧa säikes jürgızıldı. Sot-medisinalyq saraptama nätijesınde nauqastyŋ alkogoldık masaŋ küide bolǧany anyqtaldy. Ökınışke qarai, saǧat 22:40-ta biologiialyq ölım tırkeldı", – dep habarlady därıgerler.
Ūqsas jaŋalyqtar
