Eger Analar qozǧalysy bastalǧan 6 aqpannan bastap qos palata deputattary
- halyqtan japon basşylaryndai bas iıp keşırım sūrap,
- köptegen zaŋdardy oqymai-aq qabyldaǧandaryn moiyndap,
- "öz qatelıgımızdı tüzetuge mümkındık, uaqyt berıŋızder" dep merzım alyp,
- apta saiyn demei-aq qoiaiyn, ai saiyn tıkelei efirde qoǧamdyq-äleumettık mäselelerge qatysty barlyq zaŋdardy tarmaq-tarmaǧymen qaita qarap, bır-bırımen aitysyp-tartysyp talqylap otyrǧanda,
- halyqtyŋ kökeiıne qonymdy şeşımder qabyldaǧanda,
- tym bolmaǧanda är balaǧa kämeletke tolǧanǧa deiın memleketten järdemaqy taǧaiyndaǧanda,
- halyqty äure-sarsaŋǧa salǧan "tūrǧylyqty meken-jai" mäselesın e.halyk jüiesı arqyly şeşkende, onda osy uaqytta köp qozǧalystyŋ bırı de bolmai, halyq bügınde boks körgendei, ümıtpen teledidarǧa telmırıp, deputattardyŋ tartysyn talqylap otyrar edı.
Eŋ bastysy, öşken ümıtı oianyp, az da bolsa bilıkke degen senımı qaitar edı.
Evoliusiialyq damu degen sol bolar edı. Bız ötırık aldau-arbaular emes, sondai konstruktivtı dialogty küttık. Ministrlık janynan qūrylǧan qoǧamdyq komissiia äleumettık mäselelerdı şeşuge arnalǧan "Jol kartasyn" da ūsyndy. Ol qūjat qai arhivke ketkenın bır qūdai bıledı. Halyqta az da bolsa, senım oianǧan edı.
Alaida būlar özgergılerı kelmedı, evoliusiialyq damudyŋ ornyna, kerısınşe, qūqyq qorǧau organdaryn halyqqa aidap salyp, repressiiany üdettı, odan saiyn halyqtyŋ senımın öşırıp, aşu-yzasyn tudyrumen boldy.
(Suret: abai.kz saitynan alyndy)
"Adyrna" ūlttyq portaly
