Eger Analar qozǵalysy bastalǵan 6 aqpannan bastap qos palata depýtattary
- halyqtan japon basshylaryndaı bas ıip keshirim surap,
- kóptegen zańdardy oqymaı-aq qabyldaǵandaryn moıyndap,
- "óz qateligimizdi túzetýge múmkindik, ýaqyt berińizder" dep merzim alyp,
- apta saıyn demeı-aq qoıaıyn, aı saıyn tikeleı efırde qoǵamdyq-áleýmettik máselelerge qatysty barlyq zańdardy tarmaq-tarmaǵymen qaıta qarap, bir-birimen aıtysyp-tartysyp talqylap otyrǵanda,
- halyqtyń kókeıine qonymdy sheshimder qabyldaǵanda,
- tym bolmaǵanda ár balaǵa kámeletke tolǵanǵa deıin memleketten járdemaqy taǵaıyndaǵanda,
- halyqty áýre-sarsańǵa salǵan "turǵylyqty meken-jaı" máselesin e.halyk júıesi arqyly sheshkende, onda osy ýaqytta kóp qozǵalystyń biri de bolmaı, halyq búginde boks kórgendeı, úmitpen teledıdarǵa telmirip, depýtattardyń tartysyn talqylap otyrar edi.
Eń bastysy, óshken úmiti oıanyp, az da bolsa bılikke degen senimi qaıtar edi.
Evolıýııalyq damý degen sol bolar edi. Biz ótirik aldaý-arbaýlar emes, sondaı konstrýktıvti dıalogty kúttik. Mınıstrlik janynan qurylǵan qoǵamdyq komıssııa áleýmettik máselelerdi sheshýge arnalǵan "Jol kartasyn" da usyndy. Ol qujat qaı arhıvke ketkenin bir qudaı biledi. Halyqta az da bolsa, senim oıanǵan edi.
Alaıda bular ózgergileri kelmedi, evolıýııalyq damýdyń ornyna, kerisinshe, quqyq qorǵaý organdaryn halyqqa aıdap salyp, repressııany údetti, odan saıyn halyqtyń senimin óshirip, ashý-yzasyn týdyrýmen boldy.
(Sýret: abai.kz saıtynan alyndy)
"Adyrna" ulttyq portaly
