Ol Qazaqstanda 200-ge juyq şeteldık ÜEŪ jūmys ısteitının, olardyŋ 70%-y AQŞ-tan qarjylandyrylatynyn mälımdedı. Deputattyŋ aituynşa, būl ūiymdar köbıne aqparattyq, qūqyq qorǧau jäne demokratiiany damytu baǧyttarynda jūmys ısteidı, bıraq olardyŋ keibırı Qazaqstanǧa böten ideologiiany tyqpalap, jastardyŋ sanasyn ulauy mümkın.
Smirnova AQŞ-tyŋ özınde osyndai ūiymdarǧa qatysty kümän tuyndap jatqanyn alǧa tartyp, «Azattyq» pen «Amerika dauysy» siiaqty memlekettık qarjylandyrudaǧy BAQ-tardy jabu mäselesı köterılgenın mysal retınde keltırdı. Ol Qazaqstanda jūmys ısteitın ÜEŪ-lardyŋ qyzmetın naqty baqylau qajettıgın aityp, olardyŋ ışınde qaisysy dostyq piǧylda, al qaisysy qauıptı ekenın anyqtau qiyn ekenın jetkızdı.
Deputat basqa elderdıŋ täjıribesın mysalǧa keltırıp, şeteldık agentter turaly zaŋ qabyldaǧan memleketterdı atap öttı (İzrail – 2016, Qytai – 2017, Avstraliia – 2018, Ūlybritaniia – 2023, Fransiia – 2024). Ol AQŞ-ta 1938 jyldan berı küşınde tūrǧan «Şeteldık agentterdı tırkeu turaly» zaŋǧa ūqsas erejeler engızudı ūsyndy. Būl zaŋ ÜEŪ-lardyŋ qarjylandyru közderın aşyq jariialaudy, lobbisterdı tırkeudı jäne olardyŋ aqparattyq materialdaryn arnaiy belgılermen belgıleudı mındetteidı.
Smirnovanyŋ ūsynysy qoǧamda ülken pıkırtalas tudyrdy. Bır tarap Qazaqstannyŋ ūlttyq müddelerın qorǧau üşın mūndai zaŋ qajet dese, ekınşı tarap būl qadam azamattyq qoǧamdy şekteuı mümkın dep sanaidy.
Deputat zaŋ jobasynda ǧylymi jäne gumanitarlyq ūiymdarǧa erekşe jaǧdai jasau qajettıgın atap öttı. Onyŋ aituynşa, basty maqsat – eldıŋ egemendıgın nyǧaityp, şetelden keletın yqpaldy baqylauǧa alu.
