Dariǧa Nazarbaevanyŋ ūly Nūrälı Äliev «Transtelekom» AQ-daǧy direktorlar keŋesı töraǧasy qyzmetınen kettı, dep habarlaidy "Adyrna" ūlttyq portaly.
Būl turaly ol özınıŋ äleumettık jelıdegı paraqşasynda habarlady.
«10 jyldan astam uaqyt boiy «Transtelekom» kompaniiasynda jūmys ıstedım. Endı men aksionerler qūramynan şyǧu jäne direktorlar keŋesı töraǧasy retındegı ökılettıgımdı toqtatu turaly şeşım qabyldadym», – dep jazdy Äliev.
2023 jyly Mäjılıs deputaty Ermūrat Bäpi «Transtelekom» kompaniiasynyŋ zaŋsyz jekeşelendırılgenın mälımdegen bolatyn. Onyŋ aituynşa, kompaniia bastapqyda «Qazaqstan temır joly» ūlttyq kompaniiasyna tiesılı bolǧan. Alaida qūny 210 mlrd teŋge dep baǧalanǧan käsıporyn nebärı 18,45 mlrd teŋgege satylǧan.
Deputattyŋ aituynşa, 2015-2022 jyldar aralyǧynda Nūrälı Äliev «Transtelekomnan» bırneşe milliard teŋge kölemınde dividend alyp otyrǧan.
2023 jyly 5 şıldede Bäsekelestıktı qorǧau jäne damytu agenttıgı «Transtelekom» kompaniiasynyŋ naryqtaǧy basqa operatorlarǧa qysym jasaǧanyn, būl bäsekelestık zaŋnamasyn būzatynyn mälımdedı.
