Elimizde bala kútimimen úıde otyrǵan áke quqyqtary ana quqyqtarymen birdeı bolady. Bul týraly búgin, 10 aqpanda Konstıtýııalyq sot aıtty, dep habarlaıdy «Adyrna» tilshisi.
Quzyrly organ áleýmettik kodekstiń bir baby bala kútimine baılanysty demalysqa shyqqan ákelerdiń quqyqtaryn shekteıdi dep tanydy.
T.esimdi qazaqstandyq Konstıtýııalyq sotqa Áleýmettik kodekstiń 208-babynyń 1-tarmaǵyn, “Jasy boıynsha zeınetaqy tólemderin taǵaıyndaýǵa eńbek ótilin esepteýdi” tekserýdi ótingen. Ol zeınetaqy tólemderin taǵaıyndaý úshin qajet eńbek ótilin esepteý kezinde tek ananyń bala kútimine baılanysty demalys kezeńi eskeriletinin jetkizgen.
Er adam balasy dúnıege kelgennen keıin eki aı ótken soń densaýlyǵynda kináraty bar sábıine kútim jasaý úshin jumystan shyqqanyn málimdedi. Aıtýynsha, áıeli aýyrmaǵandyqtan, jańa týǵan balaǵa qaraı almaǵan.
Keıinnen er adamnyń bala kútimine jumsaǵan ýaqyty onyń jumys tájirıbesine eseptelmegeni anyqtalǵan. Buǵan Áleýmettik kodeks erejesi negiz bolǵan. Er adam sotqa aryzdanyp, bul eki ata-ananyń teń quqyǵy qaǵıdasyna qaıshy keletinin jetkizgen.
Nátıjesinde Konstıtýııalyq sot sóz bolyp otyrǵan zań erejesi Konstıtýııaǵa qaıshy degen qorytyndyǵa keldi. Vedomstvo Áleýmettik kodekstiń 208-baby 1-tarmaǵy 8-tarmaqshasyn bylaısha ózgertken ýaqytta ata zańǵa saı keledi dep tanydy: «Jumys istemeıtin ata-anaǵa jasyna baılanysty zeınetaqy tólemderin taǵaıyndaý úshin eńbek ótilin esepteý kezinde jas balalarǵa tikeleı kútimdi júzege asyrǵan ýaqyty esepke alynady».
Osylaısha bapqa dekret demalysyna shyqqan ákeler de endi.
«Balaǵa kútim jasaý ata-anadan erekshe qamqorlyq pen qorǵaýdy qajet etedi. Bala ómiriniń osy kezeńinde obektıvti mán-jaılarǵa baılanysty olardyń kez kelgeni balasyna naqty qamqorlyq jasaýǵa baılanysty jumystan shektelýi múmkin. Ata-ana mindetterin oryndaýdan týyndaıtyn mundaı jaǵdaılardy áleýmettik qorǵaý salasyndaǵy memlekettik saıasat sheńberinde ótemaqy tetikterin ázirleý kezinde eskerý qajet. Olardyń biri – teńdigi jáne áleýmettik qorǵaý salasyndaǵy adam men azamattyń quqyqtaryn shekteýge jol bermeý»,– dep túsindirdi Konstıtýııalyq sot.
