Alıaska bıligi 6 aqpanda shtattyń batysynda apatqa ushyraǵan ushaqtyń qaldyqtaryn Berıng teńiziniń muzynan shyǵarýmen aınalysyp jatyr. Apat saldarynan borttaǵy 10 adamnyń bári qaza tapty, dep habarlaıdy "Adyrna" ulttyq portaly "Amerıka daýsyna" silteme jasap.
Bering Air áýe kompanııasyna tıesili bir motorly ushaq beısenbi kúni kúndiz Ýnalaklıtten Nom qalasyna baǵyt alǵan kezde joǵalyp ketken. Ushaq uzaq izdeý jumystarynan keıin kelesi kúni tabyldy. Bortta bolǵan 9 jolaýshy men ushqysh qaıtys boldy.
Jergilikti, memlekettik jáne federaldyq agenttikter keń kólemdi izdestirý operaııasyn júrgizdi. Olar muz basqan teńiz ben týndranyń júzdegen shaqyrymyn tekserip, ushaqtyń ornyn anyqtady. Senbi kúni qutqarýshylar qaldyqtardy jáne qaza bolǵandardyń denelerin shyǵara bastaǵanymen, kúshti jel men qarly boran jumysty toqtatýǵa májbúrledi.
Ulttyq kólik qaýipsizdigi keńesi apattyń sebebin anyqtaý úshin ártúrli shtattardan sarapshylar jiberdi. AQSh Azamattyq avıaııa patrýliniń radar derekteri ushaqtyń kenetten bıiktigi men jyldamdyǵyn joǵaltqanyn kórsetti, alaıda apattyń naqty sebebi áli belgisiz.
AQSh jaǵalaý kúzetiniń kapıtan-leıtenanty Bendjamın Makıntaır-Kobl ushaqtyń apattyq dabyl belgisin jibermegenin aıtty. Eger ushaq sýǵa qulasa, avarııalyq taratqysh spýtnıkke belgi jiberip, ol aqparat jaǵalaý kúzetine berilýi kerek edi. Biraq mundaı sıgnal tirkelmegen.
Alıaskanyń keń aýmaǵy men ınfraqurylymynyń shekteýligine baılanysty jergilikti turǵyndar úshin ushaqpen qatynaý – úırenshikti nárse. Shtattyń kóptegen eldi mekenderi jol jelisimen baılanyspaǵan, sondyqtan adamdar negizinen ushaqpen qatynaıdy.
