Soltústik Koreıa prezıdenti Kım Chen Yn Ýkraınadaǵy soǵysqa qatysty pikir bildirdi. Ol Reseıdiń Ýkraınadaǵy soǵysyn egemendigin qorǵaý dep atady, dep habarlaıdy "Adyrna" ulttyq portaly RIA Novostı-ge silteme jasap.
Ol AQSh pen Batys elderin qaqtyǵysty sozyp, Reseıdi strategııalyq jeńiliske ushyratýǵa tyrysyp jatyr dep aıyptady.
Kım Chen Yn Phenıannyń Reseıdi turaqty túrde qoldaıtynyn málimdep, bul ustanym eki el arasyndaǵy "jan-jaqty strategııalyq áriptestik týraly kelisimge" sáıkes keletinin atap ótti. Soltústik Koreıa basshysy Reseı halqynyń egemendigin, qaýipsizdigin jáne aýmaqtyq tutastyǵyn qorǵaý isin ádil kúres dep baǵalady.
Sonymen qatar, ol Soltústik Koreıanyń barlyq tejeý kúshterin, sonyń ishinde ıadrolyq qarýlardy kúsheıtý josparyn jarııalady. Kım Chen Ynnyń aıtýynsha, AQSh, Japonııa jáne Ońtústik Koreıanyń áskerı odaǵy, sondaı-aq Koreı túbeginde ornalastyrylǵan AQSh-tyń ıadrolyq strategııalyq kúshteri aımaqtaǵy tepe-teńdikti buzady.
Aıta keteıik, KHDR men Reseı 2024 jyldyń maýsym aıynda Jan-jaqty strategııalyq áriptestik týraly kelisimge qol qoıǵan bolatyn.
