AQSh prezıdenti Donald Tramp Halyqaralyq qylmystyq sotqa (HQS) sankııalar engizý týraly jarlyqqa qol qoıdy. Bul týraly Reuters jazdy, dep habarlaıdy “Adyrna” ulttyq portaly.
Tramp atalǵan uıymdy AQSh pen onyń negizgi odaqtastaryn, ásirese Izraıldi zańsyz qýdalaýmen aıyptady.
Jarlyq boıynsha, AQSh azamattary men olardyń odaqtastaryna qatysty tergeýler júrgizýge qatysqan adamdar men olardyń otbasy múshelerine qarjylyq jáne vızalyq sankııalar salynady.
Bul sheshim AQSh Senatyndaǵy demokrattardyń ótken aptada HQS-qa sankııa salý týraly respýblıkashyldardyń usynysyn buǵattaýynan keıin qabyldandy. Respýblıkashylar bul sankııalardy Izraıl premer-mınıstri Bınıamın Netanıahý men burynǵy qorǵanys mınıstri Ioav Galantqa order shyǵarýǵa jaýap retinde engizbek bolǵan. Netanıahý qazir resmı saparmen Vashıngtonda júr.
Tramptyń jarlyǵynda «HQS óz ókilettigin asyra paıdalanyp, Izraıl premer-mınıstri Bınıamın Netanıahý men burynǵy qorǵanys mınıstri Ioav Galantqa negizsiz order berdi» dep jazylǵan.
Sondaı-aq, AQSh pen Izraıl «soǵys zańdaryn qatań saqtaıtyn demokratııalyq elder» ekeni aıtylǵan.
Reuters agenttiginiń jazýynsha, HQS AQSh-tyń múmkin sankııalaryna daıyndalyp, qyzmetkerlerine úsh aılyq jalaqyny aldyn ala tólegen.
Al uıym AQSh sankııalaryn «quqyq ústemdigine aralasýdyń jol berilmeıtin áreketi» dep baǵalady.
