Áıelin óltirdi degen kúdikke ilingen burynǵy Ulttyq ekonomıka mınıstri Qýandyq Bıshimbaev buǵan deıin kólikti mas kúıinde basqarǵanyn sotta moıyndaǵanymen júrgizýshi kýáliginen aıyrylmaıdy. Bul týraly Ishki ister mınıstrligi málimdedi, - dep habarlaıdy “Adyrna” ulttyq portaly Tengrinews.kz saıtyna siltep.
Redakııanyń resmı saýalyna bergen jaýabynda aıtylǵandaı, Bıshimbaevqa qatysty alkogoldik, nashaqorlyq nemese ózge saraptama júrgizilmegen. Sondaı-aq Ishki ister mınıstrligi ÁQBtK-niń (ÁQBtK) 608-babynda kózdelgen quqyq buzýshylyqtyń kvalıfıkaııalyq belgisiniń quramdas bóligine kólik quralyn mas kúıinde basqarý kiretinin eske saldy.
«Medıınalyq kýálandyrýdyń resmı qorytyndysy bolmaǵandyqtan jáne ÁQBtK-niń 608-babynda kózdelgen quqyq buzýshylyq týraly, sondaı-aq jaýapkershilikke tartýdyń eskirý merzimi ótkendigin eskere otyryp (ÁQBtK-niń 62-baby) azamatty atalǵan bap boıynsha ákimshilik jaýapkershilikke tartýǵa bolmaıdy», - dep habarlady IIM.
Eske salaıyq, 4 sáýirde sotta jábirlenýshiniń advokaty Janna Ýrazbahovanyń suraqtaryna jaýap bergen Bıshimbaev qarashanyń 8-inen 9-yna qaraǵan túni onyń «ortasha deńgeıden sál joǵary» alkogoldik mas kúıinde bolǵanyn, bul oǵan kólik tizginin basqarýǵa kedergi jasamaǵanyn aıtqan edi.
«Demek, siz mas kúıde kólik júrgizdińiz ǵoı, men sizdi durys túsinip turmyn ba?» – dep surady Ýrazbahova.
«Iá, sózsiz túsinikti», - dep jaýap berdi Bıshimbaev.
