AQSh bıligi alǵashqy zańsyz mıgranttar tobyn Gýantanamo túrmesine jóneltti, dep habarlaıdy "Adyrna" ulttyq portaly.
Jetkizilgenderdiń arasynda asa qaýipti qylmyskerler bar. Sonyń ishinde Venesýelanyń Tren de Aragua qylmystyq uıymynyń 10 múshesi de qamtylǵan. Olar adam urlaý jáne adam saýdasymen aınalysqany úshin ustalǵan.
Aq úıdiń baspasóz hatshysy Kerolaın Levıttiń aıtýynsha, olar arnaıy ushaqpen áskerı bazaǵa jetkizilgen. Jaqyn kúnderi qosymsha reıster uıymdastyrý josparlanyp otyr.
Qazaqstannyń syrtqy ister vıe-mınıstri Ermuhambet Qonyspaev AQSh shekarasyndaǵy zańsyz mıgranttarǵa arnalǵan lagerlerde qazaqstandyqtar joq ekenin málimdedi.
"Lagerlerde Qazaqstan azamattary joq. Jaqynda bizdiń elshilik osy másele boıynsha sharalar qabyldanatynyn habarlady. Zańsyz júrgen azamattarǵa bul jaǵdaıdy retteý qajettigi týraly eskertý jasaldy. Statıstıka boıynsha naqty sanyn aıta almaımyn. Biraq olardyń barlyǵyna eskertý jiberildi", – dedi Qonyspaev.
Vıe-mınıstrdiń aıtýynsha, Qazaqstannyń Vashıngtondaǵy elshiligi men basqa da konsýldyq mekemeleri AQSh-ta júrgen azamattardy turaqty túrde baqylap otyrady.
Eske sala keteıik, buǵan deıin AQSh prezıdenti Donald Tramp 30 myńnan astam zańsyz mıgrantty Gýantanamo túrmesine kóshirý týraly jarlyqqa qol qoıǵan bolatyn. Kýbada ornalasqan bul kolonııa qatań ustaý rejımimen erekshelenedi.
