Ýkraına prezıdenti Vladımır Zelenskıı Reseı prezıdenti Vladımır Pýtınmen kelissóz júrgizý ýkraınalyqtar úshin beıbitshilik ornatýdyń jalǵyz joly bolsa, oǵan daıyn ekenin málimdedi, dep habarlaıdy "Adyrna" ulttyq portaly «Ýkraınskaıa pravda» basylymyna silteme jasap.
«Eger bul bizdiń halqymyz úshin beıbitshilikke qol jetkizýdiń jáne adamdardy joǵaltpaýdyń jalǵyz múmkindigi bolsa, árıne, biz buǵan baramyz», – dedi Zelenskıı brıtandyq jýrnalıst Pırs Morganǵa bergen suhbatynda.
Sondaı-aq, ol Kreml basshysyna degen jeke kózqarasy bul jaǵdaıda mańyzdy emes ekenin aıtty.
«Men ony jaýym dep sanaımyn. Eger shyndyqty aıtsam, ol da meni jaý dep esepteıdi» - dedi ol.
Zelenskııdiń aıtýynsha, Ýkraına qazirgi jaǵdaıda barlyq aýmaqtaryn qaıtara almaıdy jáne nátıjesi belgisiz nárse úshin mıllıondaǵan adamdy qurban etýge bolmaıdy. Sonymen qatar, ol soǵysta ómirin qıǵan azamattarǵa bergen antyn buzbaıtynyn jáne konstıtýııa talaptaryn saqtaı otyryp, basyp alynǵan aýmaqtardy Reseıdiń bir bóligi retinde moıyndamaıtynyn atap ótti.
Ýkraına basshysy soǵys jaǵdaıynda elde saılaý ótkizý múmkin emestigin taǵy da rastady.
Buǵan deıin Vladımır Pýtın Zelenskııdi «zańsyz prezıdent» dep atap, 2024 jyldyń mamyrynda onyń ókilettik merzimi aıaqtalatynyn, sondyqtan beıbit kelisimge qol qoıýǵa quqyǵy joq ekenin málimdegen.
