Ismaılıt-nızarıtterdiń rýhanı jetekshisi, Aǵa Han damý jelisiniń (AKDN) negizin qalaýshy, hanzada Karım Aǵa Han IV Lıssabonda 88 jasynda ómirden ótti, dep habarlaıdy "Adyrna" ulttyq portaly 24.kg-ǵa silteme jasap.
Bul týraly Ismaili Imamat Diwan mekemesi resmı málimdedi.
Aǵa Han IV ısmaılıt qaýymyn 1957 jyldan beri basqardy. Ol bul qyzmetke 20 jasynda, óz atasynyń ornyna kelgen.
Dástúrge sáıkes, jańa ımamdy onyń aldyndaǵy jetekshi ósıet arqyly belgileıdi. Jaqyn kúnderi Karım Aǵa Hannyń ósıeti jarııalanǵannan keıin jańa ımamnyń esimi belgili bolady dep kútilýde.
Qyrǵyzstanda Aǵa Han qory (AKF) 2002 jyldan beri belsendi jumys istep keledi. Qor bilim berý, densaýlyq saqtaý jáne aýyldyq aımaqtardy damytý salalarynda túrli jobalardy júzege asyrady.
2000 jyly Tájikstan, Qyrǵyzstan jáne Qazaqstan prezıdentteri ısmaılıt-nızarıtterdiń rýhanı jetekshisimen birge Ortalyq Azııada bedeldi ýnıversıtet (OAÝ) salý týraly kelisimge keldi. Onyń bir kampýsy Jetisý oblysyndaǵy Tekeli óńirinde boı kóterýi tıis edi. Alaıda, Qazaqstan áli kúnge deıin bul kelisimdi oryndaǵan joq.
Bul máselede birneshe qarama-qaıshy ustanym bar. Kelisimniń keshiktirilýiniń yqtımal sebepteriniń biri dinı salaǵa qatysty bolýy múmkin.
