AQSh-tan Ýkraınaǵa qarý-jaraq jetkizý qysqa ýaqytqa toqtatyldy, biraq ótken demalys kúnderi qaıta jalǵasty. Bul ýaqytsha úzilis Tramp ákimshiliginiń Ýkraınaǵa qatysty saıasatyn talqylaý nátıjesinde bolǵan. Bul týraly Reuters jazdy, dep habarlaıdy “Adyrna” ulttyq portaly.
Aq úı Ýkraınaǵa barlyq kómekti toqtatý týraly alǵashqy sheshimin ózgertkennen keıin jetkizilim qaıta bastaldy.
AQSh prezıdenti Donald Tramp aqpannyń 3-i kúni Ýkraına AQSh-qa sırek kezdesetin metaldar jetkizýge ýáde berse, oǵan kómek jalǵasatynyn aıtty. Buǵan deıin bul másele Vladımır Zelenskııdiń "jeńis jospary" aıasynda aıtylǵan bolatyn.
"Ýkraınaǵa olardyń óte qundy sırek kezdesetin metaldary bar ekenin aıtyp jatyrmyz. Biz Ýkraınamen kelisim jasaýdy qalaımyz, onyń aıasynda olar biz berip jatqan nárselerdi sırek kezdesetin jer metaldarymen jáne basqa da nárselermen qamtamasyz etetin bolady", — dedi Tramp Aq úıde jýrnalısterge suhbat bere otyryp.
Tramptyń “Kıevtiń Vashıngtonǵa resýrstar jetkizýi qajet pe” degen saýalyna oń jaýap berdi, ári "sırek kezdesetin jer metaldarynyń" jetkizilýine "kepildik alǵysy keletinin" atap ótti. Ol Ýkraına buǵan daıyn dep málimdedi. Aq úı basshysy Kıev "qoldanǵan kómekke" 300 mıllıard dollardyń shamasynda ótemaqy tóleýi tıis ekenin aıtty.
Sırek kezdesetin jer metaldary — 17 metaldan turatyn top, olar elektr qozǵaltqyshtaryn, elektromobılder, uıaly telefondar jáne basqa da elektronıka jasaý úshin qajet. Olardyń balamalary joq.
