Äleumettık medisinalyq saqtandyru qorynyŋ (ÄMSQ) basqarma töraǧasy Äbılqaiyr Sqaqov qyzmetınen kettı. Būl turaly ol özınıŋ äleumettık jelıdegı paraqşasynda mälım ettı, dep habarlaidy ”Adyrna” ūlttyq portaly.
«Bügın men resmi türde Äleumettık medisinalyq saqtandyru qory basqarma töraǧasy qyzmetınen kettım. Būl menıŋ oilastyrylǧan şeşımım. Maǧan senım artqany üşın memleket basşylyǧyna alǧysymdy bıldıremın. Osyndai maŋyzdy ūiymdy basqaru – ülken jauapkerşılık jäne osy baǧytta jūmys ıstep, densaulyq saqtau salasyn qarjylandyru saiasatyn ıske asyru men üşın ülken märtebe boldy»,— dep habarlady Sqaqov äleumettık jelıdegı paraqşasynda.
Ol qor ūjymyna alǧysyn bıldırıp, köptegen qiyndyqtardan ötkenın jäne jaŋa jobalardy ıske qosqanyn atap öttı.
«Sondai-aq medisina jäne sarapşylyq qauymdastyqtaǧy ärıptesterıme erekşe rizaşylyǧymdy bıldıremın. Bız aşyq pıkır almasyp, keide qyzu talqyǧa tüstık. Bıraq ärdaiym ortaq maqsat – MÄMS jüiesın jetıldıru üşın jūmys ıstedık. Osyndai bırlesken tiımdı jūmys üşın köp raqmet!» – dep jazdy ol.
Būryn Pavlodar oblysynyŋ äkımı bolǧan Sqaqov osy qordy 2023 jyldyŋ qyrküiegınen bastap basqaryp kelgen bolatyn.
Eske sala ketsek, ötken jyly Qazaqstanda petisiia paida bolyp, onyŋ avtorlary mındettı medisinalyq saqtandyru jüiesın özgertudı talap etken edı.
Jazda auditorlar mındettı medisinalyq saqtandyru jüiesınde köptegen zaŋ būzuşylyqtardy, sonyŋ ışınde qosarlanǧan tölemder men medisinalyq qyzmetterdıŋ sapasyzdyǧyn habarlady.
Ūqsas jaŋalyqtar
