2025 jylǵy qańtarda elimizde ınflıaııa údep, bir jylda 8,9 paıyzdy (2024 jylǵy jeltoqsanda – 8,6%), bir aıda – 1,1 paıyzdy qurady. Bul týraly Ulttyq statıstıka bıýrosy aıtty, dep habarlaıdy «Adyrna» tilshisi.
Bir jyl ishinde aqyly qyzmetter baǵasy 13,8 paıyz (2024 jylǵy jeltoqsanda – 13,3 paıyz), azyq-túlikke jatpaıtyn taýarlar baǵasy – 8,4 paıyz, azyq-túlik baǵasy 5,8 paıyz ósken.
Byltyrǵy dál osy kezeńmen salystyrǵanda sýyq sý tarıfi 43,2 paıyz, sý burý – 26,1 paıyz, ortalyqtan jylytý qyzmeti – 23,1 paıyz, ystyq sý – 21,3 paıyz, elektr energııasy – 18,9 paıyz, jeliler arqyly taratylatyn gaz – 12 paıyz, qoqys shyǵarý 10,3 paıyz kóterilgen. Uıaly baılanys qyzmetteri – 16,8 paıyz, densaýlyq saqtaý qyzmetteri – 12 paıyz, qoǵamdyq tamaqtaný qyzmetteri 10,9 paıyz qymbattaǵan.
Qańtarda ınflıaııa deńgeıi respýblıkanyń on eki óńirinde ortasha respýblıkalyq kórsetkishten joǵary boldy. Ásirese, Astana qalasy (11,2%), Qaraǵandy (9,9%), Batys Qazaqstan (9,7%) jáne Soltústik Qazaqstan (9,6%) oblystarynda ınflıaııa qarqyn alǵan.
