Ýkraına prezıdentiniń kommýnıkaııalar jónindegi keńesshisi Dmıtrıı Lıtvın AQSh-tyń arnaıy ókili Kıt Kelloggtyń jyl sońyna deıin elde saılaý ótkizý týraly usynysyna qarsylyq bildirdi, dep habarlaıdy «Adyrna» tilshisi Deutsche Welle-ge silteme jasap.
«Biz Kellog myrzanyń suhbatyn tolyq qarap shyqqan joqpyz, tek saılaý týraly aıtqan birneshe dáıeksózin kózimiz shaldy. Sol sebepti ustanymyn tolyq baǵalaý qıyn. Dese, onyń jospary tek atysty toqtatý jáne saılaý bolsa, onda bul sátsiz jospar ekenin aıtqym keledi. Pýtındi tek osy eki nársemen qorqyta almaımyz»,–dedi ol.
Sondaı-aq Lıtvın Reseıdegi ahýalǵa da toqtaldy.
«Máskeý zymyrandar men oq-dáriler óndirisin ulǵaıtýdy, sankııalardy aınalyp ótýdiń jáne munaıdan aqsha tabýdyń jańa joldaryn tabýdy jalǵastyrýda. Bul qarýdyń bári demokratııalyq kórshilerdi qurmetteý úshin jasalmaıtyny anyq. Reseıdiń Soltústik Koreıamen áskerı odaq qurýy da atysty toqtatý qurmetine baılanysty emes»,—dep tolyqtyrdy keńesshi.
Buǵan deıin AQSh prezıdenti Donald Tramptyń Ýkraına boıynsha arnaıy ýákili Kıt Kellog Ýkraınaǵa jyl sońyna deıin prezıdent jáne parlament saılaýyn ótkizýdi usynǵan bolatyn. Ol saılaý Ýkraınadaǵy demokratııa úshin mańyzdy ekenin atap ótti.
