Päkıstannyŋ Beludjistan provinsiiasynda qauıpsızdık küşterınıŋ qyzmetkerlerı men olardyŋ otbasylaryn tasymaldap bara jatqan poiyzda jarylys boldy, dep habarlaidy «Adyrna» tılşısı Reuters agenttıgıne sılteme jasap.
BAQ mälımetınşe, kemınde 24 adam qaza tauyp, taǧy 70-ke juyq adam jaraqat alǧan.
Jelıde jariialanǧan beinejazbalarda poiyzdyŋ ekı vagony audarylyp, örtenıp ketkenı körınedı. Sondai-aq jaqyn maŋda tūrǧan kölıkter de zaqymdanǧan. «Äl-Djazira» tılşısınıŋ habarlauynşa, temırjol maŋynda ornalasqan bırneşe üi men ǧimarat ta qatty bülıngen.
Kvetta qalasyndaǧy memlekettık auruhanalarda tötenşe jaǧdai jariialandy.
Jarylysqa jauapkerşılıktı «Beludjistandy azat etu armiiasy» separatistık toby öz moinyna alǧan. AP agenttıgınıŋ mälımetınşe, jankeştı-laŋkes jarylǧyş zat ornatylǧan kölıktı poiyz Kvetta qalasy arqyly ötıp bara jatqan kezde temırjol maŋynda jaryp jıbergen.
Premer-ministr Şahbaz Şarif būl şabuyldy qataŋ aiyptap, ony «qorqaq terroristık äreket» dep atady jäne qūrbandardyŋ otbasylaryna köŋıl aitty.
Auǧanstan jäne İranmen şektesetın Beludjistan — Päkıstandaǧy aumaǧy eŋ ülken, bıraq eŋ kedei provinsiia. «Beludjistandy azat etu armiiasy» öŋırdıŋ täuelsızdıgı üşın küres jürgızıp keledı. Būl top AQŞ, Ūlybritaniia jäne Euroodaq elderın qosa alǧanda bırqatar memlekette terroristık ūiym retınde tanylǧan.
