"Bükıl Europa qalaidy". Zelenskii Reseimen kelıssözderge qatysty jaŋa şarttaryn atady

Ukraina prezidentı Vladimir Zelenskii AQŞ-tyŋ  prezidentı Donald Tramppen kezdesu Mäskeumen belgılı bır formatta dialog bastau üşın maŋyzdy şart ekenın mälımdedı, dep habarlaidy "Adyrna" ūlttyq portaly Associated Press agenttıgıne sılteme jasap. "Menıŋ oiymşa, eŋ aldymen bız Tramppen  kezdesu ötkızuımız kerek, būl öte maŋyzdy. Aita keteiın, mūny bükıl Europa qalaidy", – dedı Zelenskii. Onyŋ aituynşa, AQŞ basşysymen bailanys ornatqannan keiın  Reseimen qandai da bır kelıssöz formatyna köşu kerek. Zelenskii kelıssözder üstelınde Ukraina, Resei, AQŞ jäne Europalyq Odaqtyŋ ökılderı boluy tiıs dep sanaidy. Sondai-aq, Zelenskii Ukrainanyŋ NATO-ǧa kıruı qajettıgın taǧy da alǧa tartty. "Men şynymen de būl – Ukrainanyŋ qauıpsızdık kepıldıkterın aludyŋ eŋ arzan joly dep sanaimyn. Būl barlyǧyna tiımdı", – dep tüsındırdı ol. Onyŋ aituynşa, Kievtıŋ aliansqa qosyluy Tramp üşın ülken jeŋıs bolar edı. Öitkenı būl şeşımdı AQŞ qabyldaitynyn, al Reseidıŋ būǧan yqpaly joq ekenın körsetedı. Sonymen qatar, NATO-ǧa Ukrainanyŋ 800 myŋ sarbazdan tūratyn äskerı qosylady. Eger Ukrainaǧa basqa qauıpsızdık kepıldıkterı ūsynylsa, onda ol AQŞ pen Europadan qajettı kölemde qaru aluy kerek jäne öz qorǧanys önerkäsıbın qoldau maŋyzdy, dep atap öttı Zelenskii. Būǧan deiın Tramp Resei prezidentı Vladimir Putinmen bailanys ornatuǧa, sonyŋ ışınde kezdesuge daiyn ekenın bırneşe ret mälımdegen. Putin de osyndai nietın bıldırgen. Alaida ekı el basşylarynyŋ naqty kelıssözder jürgızetını nemese telefon arqyly söilesetını jaily resmi aqparat joq. Būǧan deiın Putin Zelenskiidı "zaŋsyz prezident" dep ataǧan edı. Öitkenı 2024 jyldyŋ mamyr aiynda onyŋ prezidenttık ökılettık merzımı aiaqtaldy. Sondyqtan ol beibıt kelısımge qol qoiu qūqyǧyna ie emes dep sanaidy.