elınograd aýdanynda gazdandyrý bastaldy: tabıǵı gaz «Nurly» tutynýshylar kooperatıvine keldi

1207
Adyrna.kz Telegram

Memlekettik gazdandyrý baǵdarlamasy aıasynda elınograd aýdanynyń «Nurly» tutynýshylar kooperatıvinde tabıǵı gazdy iske qosý rásimi ótti. Endi 3500-den astam turǵyn ekologııalyq taza jáne ekonomıkalyq tıimdi otynǵa qol jetkizdi.

Saltanatty iske qosý rásimine Aqmola oblysynyń ákimi Marat Ahmetjanov, «QAZAQGAZ AIMAQ» AQ Bas dırektory Baýyrjan Asqarov, depýtattar jáne aýdan jurtshylyǵy qatysty.

Aqmola oblysynyń ákimi Marat Ahmetjanov óńirdi gazdandyrý jumystary belsendi túrde jalǵasatynyn atap ótti:

«Halyqty tabıǵı gazben qamtamasyz etý – turǵyndardyń ómir súrý sapasyn jaqsartýǵa jáne óńir ekonomıkasyn qoldaýǵa baǵyttalǵan mańyzdy ınfraqurylymdyq jobalardyń biri. Bul másele el Prezıdentiniń baqylaýynda. «Saryarqa» magıstraldyq gaz qubyry qurylysynyń I kezeńi aıasynda Arshaly aýdanyndaǵy 17 eldi mekenniń turǵyndaryna gaz berildi. Búgin gaz elınograd aýdanyna da keldi. 2025 jyly elınograd aýdanynyń taǵy úsh aýylyna – Shubar, Qoıandy, Aqqaıyń eldi mekenderine jáne Qosshy qalasyna gaz jetkiziledi. 835 km-den astam gaz qubyry salynyp, 21 664 abonent tabıǵı gazben qamtylady», – dedi Marat Ahmetjanov.

«QazaqGaz Aimaq» AQ Bas dırektory Baýyrjan Asqarov gazdy paıdalaný kezindegi qaýipsizdiktiń mańyzdylyǵyna toqtaldy:

«Gaz – bul jaılylyq pen jylý, biraq ony paıdalaný jaýapkershilikti talap etedi. Jańa tutynýshylar eń aldymen turmysta tabıǵı gazdy paıdalaný erejelerin úırenýi, jabdyqty ýaqytyly tekserip, onyń jaramdylyǵyn qadaǵalaýy qajet», – dedi B.Asqarov.

Alǵashqylardyń biri bolyp gazǵa qosylǵan Aýjanovtar otbasy atqarylǵan jumys úshin alǵys bildirdi.
«Biz gazdy kóp kúttik. Onyń nebári jarty jyl ishinde ornatylýyna kýá boldyq. Bizdiń basty máselemizdiń sheshilýine kómekteskeni úshin el Prezıdentine alǵysymyzdy bildiremiz», – dedi januıa egesi Murat Aýjanov.

Eldi mekendi gazdandyrý aıasynda shamamen 68 km gaz jelisi tartylyp, 7 shkaftyq gaz taratý stanııasy ornatyldy.

Óńirdi gazdandyrý jumystary jalǵasyp, taǵy da kóptegen úıler ekologııalyq taza ári yńǵaıly energııa kózimen qamtamasyz etiledi.

Реклама
  • ИП Попов А.П.
  • ИНН: 602715631406
Танец выпускников взорвал интернет: Смотреть до конца!
Реклама
  • ИП Попов А.П.
  • ИНН: 602715631406
Позвали Таню, и жены начали уводить мужей. Не стесняется стыдобы
Реклама
  • ИП Попов А.П.
  • ИНН: 602715631406
Близость будет по 2.5 часа! Рецепт здесь
Pikirler