Aqmola oblystyq kópsalaly aýrýhanasynda Qazaqstannyń jetekshi hırýrgtarynyń biri – professor Serik Imaquly Toqpanovtyń qatysýymen sheberlik synyby ótti. Qazaqstan Respýblıkasynyń eńbek sińirgen qaıratkeri, «Altyn skalpel» jáne «Altyn laparoskop» marapattarynyń ıegeri óńir dárigerlerimen óz tájirıbesimen bólisti.
Sheberlik synyby aıasynda professor óńesh tesigi jaryǵyn laparoskopııalyq ádispen alyp tastaý boıynsha ota jasady. Bul hırýrgııalyq ádis 0,5–1,5 sm kólemindegi shaǵyn tilikter arqyly ota jasaýǵa múmkindik beredi. Nátıjesinde naýqastyń aǵzasyna túsetin júkteme barynsha azaıyp, onyń tez jáne jaıly qalpyna kelýine jaǵdaı jasalady.
«Laparoskopııa – hırýrgııadaǵy jańa deńgeı. Naýqastar mundaı otalardy aýyrsynýsyz ótkeredi, al kelesi kúni ózdiginen qozǵala alady. Bul – medıınanyń úlken jetistigi. Aqmola oblystyq kópsalaly aýrýhanasynda joǵary tehnologııalyq otalardy jasaýǵa barlyq jaǵdaı jasalǵanyna qýanyshtymyn», – dedi professor Toqpanov.
Sonymen qatar, shara barysynda professor óńesh tesigi jaryǵy men gastroezofagealdy reflıýks aýrýyn emdeýdegi laparoskopııalyq hırýrgııa týraly dáris oqydy. Sondaı-aq, qatysýshylar ót qabyn qaýipsiz alyp tastaý máselelerin talqylady. Oqytýǵa hırýrgter, terapevter, nevrologtar, endoskopıster, endokrınologtar jáne sáýlelik dıagnostıka dárigerleri qatysty.
Mundaı sheberlik synyptary ozyq medıınalyq tehnologııalardy engizýge, dárigerlerdiń biliktiligin arttyrýǵa jáne eń bastysy – naýqastarǵa kórsetiletin medıınalyq kómektiń sapasyn jaqsartýǵa yqpal etedi. Óńirde joǵary tehnologııalyq hırýrgııany damytý – medıına salasy úshin úlken qadam ǵana emes, sonymen qatar Aqmola oblysy turǵyndarynyń densaýlyǵy men ál-aýqatyna qosylǵan mańyzdy úles.
Sonymen birge, Serik Toqpanov óziniń shyǵarmashylyǵymen de tanymal. Osy rette, 2025 jylǵy 3 aqpanda saǵat 18:15-te Kókshetaýdaǵy Úkili Ybyraı atyndaǵy Aqmola oblystyq fılarmonııasynda «Ótken jyldardaǵy umytylmas ánder» atty jeke konert ótedi. Konerttiń avtory – Qazaqstan Respýblıkasynyń eńbek sińirgen qaıratkeri, medıına ǵylymdarynyń doktory, professor, KSRO jáne respýblıkalyq baıqaýlardyń laýreaty Serik Imaquly Toqpanov.
Kesh barysynda Aqmola oblystyq fılarmonııasynyń orkestriniń súıemeldeýimen ótken jyldardyń eń úzdik ánderi oryndalady. Ásem daýys, júrekke jyly áýender men jandy mýzyka kórermenderge shynaıy emoııa men umytylmas áser syılaıdy.
