Biyl Qazaqstandaǧy 1223 eldı mekendı su basu qaupı bar, dep habarlaidy "Adyrna" ūlttyq portaly.
Būl turaly Tötenşe jaǧdailar ministrı Şyŋǧys Ärınov habarlady.
Ministrlık jergılıktı bilık ökılderımen jäne memlekettık organdarmen tyǧyz bailanysta jūmys ıstep, infraqūrylymdy tasqyn suǧa daiyndau şaralaryn jürgızude.
Ol Ükımet saǧatynda:
"Qazırgı taŋda respublika boiynşa 1223 eldı mekendı su basu qaupı bar. Ministrlık üilestıruşı organ retınde jergılıktı atqaruşy bilık ökılderımen jäne müddelı memlekettık organdarmen bırlese otyryp, infraqūrylymdy tasqynǧa daiyndau jūmystaryn atqaruda", – dedı ministr.
— 576 şaqyrym qorǧanys bögetterı men dambalar salynyp, nyǧaityluda;
— 164 şaqyrym drenaj jüiesı jaŋartylyp, jöndeuden ötkızılude;
— joldardyŋ astyna 960 su ötkızu qūrylǧysy ornatylyp, auystyryluda;
— 658 şaqyrym kanaldar men aryqtar tazartyluda;
— 74 özende 300 şaqyrymǧa juyq arnany tereŋdetu jäne jaǧalaudy bekıtu jūmystary jürgızılude;
— qalalar men auyldarda nöser jäne drenaj jüielerı salynyp, jöndelıp jasaluda.
Respublikalyq jäne öŋırlık baǧdarlamalar aiasynda kelesı aldyn alu şaralary jüzege asyrylyp jatqanyn mälımdedı.
"Būl şaralar su tasqyny qaupın azaityp, eldı mekenderdı tabiǧi apattan qorǧauǧa kömektesedı", – dep mälımdedı Ärınov.
Ūqsas jaŋalyqtar
