Oralda köşede ketıp bara jatqan er adamǧa kırpış qūlap, mert boldy

Oralda jaŋadan salynyp jatqan tūrǧyn üidıŋ üstınen qūlaǧan kırpıştıŋ soqqysynan er adam köz jūmdy, dep habarlaidy "Adyrna" ūlttyq portaly mgorod.kz-ke sılteme jasap.  Qaiǧyly oqiǧa 29 qaŋtar künı Moldaǧūlova köşesındegı toǧyz qabatty tūrǧyn üidıŋ janynda bolǧan. Oblystyq densaulyq saqtau basqarmasynyŋ baspasöz qyzmetınıŋ mälımetınşe, jedel järdem qyzmetıne şaqyrtu 15:03-te tüsken. Qūrylys jūmystary jürgızılıp jatqan kezde, 60-65 jas şamasyndaǧy er adam üidıŋ janynan ötıp bara jatqanda, basyna biıkten kırpış qūlaǧan. Ol alǧan jaraqatynan oqiǧa ornynda köz jūmǧan. Batys Qazaqstan oblystyq polisiia departamentı oqiǧa boiynşa qylmystyq ıs tırkelgenın rastady. "Atalǧan faktı boiynşa qylmystyq ıs qozǧaldy. Tergeu jürgızılude", – dep habarlady polisiia ökılderı.