Putin Zelenskiimen kelıssözge arnaiy ökılder taǧaiyndauǧa daiyn ekenın mälımdedı

Resei prezidentı Vladimir Putin Vladimir Zelenskiimen kelıssözder jürgızu üşın arnaiy adamdardy taǧaiyndauǧa daiyn ekenın mälımdedı, dep habarlaidy "Adyrna" ūlttyq portaly RİA Novosti-ǧa sılteme jasap. Putin būl turaly «Mäskeu. Kreml. Putin» baǧdarlamasynyŋ avtory Pavel Zarubinge bergen sūhbatynda aitty. Ol eger Zelenskii kelıssözderge qatysqysy kelse, onda būl jūmysqa arnaiy ökılder men kelıssöz jürgızuşılerdı böletının mälımdedı. "Qūjattarǧa tüpkılıktı qol qoiu mäselesı - Ukrainanyŋ da, Reseidıŋ de qauıpsızdıgıne ūzaq uaqyt kepıldık beretın öte kürdelı mäsele. Mūnda bırde-bır qatelık, bırde-bır aqau bolmauy tiıs. Bärı däl, üilesımdı boluy kerek. Ukraina konstitusiiasyna säikes, Ukraina prezidentı soǧys jaǧdaiynda da özınıŋ ökılettıkterın basqa bıreuge beru qūqyǧyna ie emes. Ökılettıkterdı tek bilık organdarynyŋ ökılderı, iaǧni el parlamentı bere alady. Bıraq eger kelıssözder jürgızuge niet bolsa, kez kelgen adam qatysyp, kompromistık şeşımder tabuǧa bolady. Bız özımızdıŋ müddemızge säikes keletın şeşımderge qol jetkızuge tyrysamyz" - dedı Resei prezidentı. Sonymen qatar, Putin  qazırgı jaǧdaida kelıssözderdıŋ zaŋsyz bolatynyn aitty. "Zelenskii qol qoiǧan kezde zaŋdy prezident bolǧan. Bıraq qazır onyŋ zaŋdylyǧy joq. Būl mäsele qiyndyq tuǧyzuy mümkın, bıraq eger olar zaŋdy jolmen kelıssözder jürgızudı qalasa, ony jasauǧa mümkındıkter bar" - dedı ol.