Almaty, Taraz qalalary men Almaty oblysynda Qaŋtar oqiǧasy kezınde ūrlanǧan qaru-jaraqtar tärkılendı. Būl turaly bügın, 27 qaŋtarda IIM baspasöz qyzmetı aitty, dep habarlaidy «Adyrna» tılşısı.
Resmi mälımetterge süiensek, jyl basynan berı jedel-ızdestıru ıs-şaralaryn jürgızu barysynda 20 atys jäne travmatikalyq qaru, onyŋ ışınde 4-uı Qaŋtar oqiǧasy kezınde joǧalǧan, sondai-aq 6 granata jäne 150-den astam ärtürlı kalibrlı oq-därı tabylǧan.
IIM ūiymdasqan qylmysqa qarsy küres departamentınıŋ ökılı Quandyq Alpys būl baǧyttaǧy jūmystar ministrlıktıŋ erekşe baqylauynda ekenın mälımdedı.
«Almaty qalasynda 3 şolaq myltyq, 3 tapanşa, 4 granata, şamamen 50 patron, sonymen qatar Qaŋtar oqiǧasy kezınde qaru-jaraq dükenınen ūrlanǧan karabin tärkılendı. Al Tarazda 2 şolaq myltyq pen jauyngerlık arbalet tabyldy. Aqtöbede 56 patrony bar TOZ vintovkasy men F-1 granatasy tärkılendı. Almaty oblysynda 2 qaru, RGD-5 granatasy jäne Kalaşnikov avtomatynyŋ 20 patrony, sondai-aq Qaŋtar oqiǧasy kezınde ūrlanǧan 2 Makarov tapanşasy tabyldy»,—delıngen habarlamada.
