2024 jyly jazda Alakólde apatqa ushyraǵan "SKYPPER 912" deltaplanynyń ıesine aıyppul salyndy jáne ushý apparaty memleket paıdasyna tárkilendi, dep habarlaıdy "Adyrna" ulttyq portaly Tengrinews.kz-ke silteme jasap.
"Dostyq" kólik prokýratýrasy deltaplan ıesiniń áreketinen quqyq buzýshylyqtardy anyqtady. Ol tıisti ruqsatsyz demalýshylarǵa Alakól ústinde aqyly ushýdy usynǵan. Prokýratýra bastamasymen bul is Almaty qalasynyń ákimshilik quqyq buzýshylyqtar boıynsha mamandandyrylǵan aýdanaralyq sotynda qaraldy, – delingen Bas prokýratýranyń resmı málimdemesinde.
Sot sheshimi boıynsha, deltaplan ıesi Qazaqstan Respýblıkasynyń áýe keńistigin paıdalaný tártibin buzǵany úshin Ákimshilik quqyq buzýshylyqtar týraly kodekstiń 563-babynyń 2-bóligimen kináli dep tanylyp, oǵan 55 380 teńge aıyppul salyndy. Sonymen qatar, ushý apparaty memleket menshigine alyndy.
2024 jyldyń jazynda Alakólde "SKYPPER 912" deltaplany apatqa ushyrap, saldarynan eki adam zardap shekken bolatyn. Bul oqıǵa boıynsha Qazaqstan Respýblıkasy Qylmystyq kodeksiniń 344-babynyń 1-bóligimen qylmystyq is qozǵalǵan edi. Alaıda taraptardyń tatýlasýyna baılanysty is toqtatyldy.
