Qazaqstandyq skrıpkashy elimizdegi áýe kompanııasynyń jumysyna shaǵymdandy, dep habarlaıdy "Adyrna" ulttyq portaly QazTag-qa siltep.
Qazaqstandyq áıgili skrıpkashy Marat Bısenǵalıev áleýmettik jelidegi paraqshasynda jazba jarııalady. Óner adamy FlyArystan áýe kompanııasynyń jumysyna kóńili tolmaıtynyn jazǵan.
«Biz búgin demalǵymyz keldi, biraq FlyArystan bizdi májbúrlep otyr. Ispandyq uıat, olar skrıpka qorabyn, sonymen qatar skrıpkanyń ysqyshyn ushaq bortyna jibermedi », - delingen habarlamada.
Eske sala keteıik, dál bir jyl buryn aıtysker aqyn Aısholpan Tileýtaı da atalǵan áýe kompanııasyna qatysty shaǵym jasaǵan. Áýejaıda FlyArystan áýe kompanııasy qyzmetkerleri dombyrany ushaqqa kirgizbeı, ózin julqylaǵanyn aıtyp, kóz jasyna erik bergenin jazǵan.
Budan aldyn belgili ánshiler Erkin Shúkimanov pen Erlan Rysqalıev de atalǵan áýe kompanııasynyń dombyrany ózderimen birge alýǵa ruqsat bermegenin aıtyp, synaǵan.
