Maqsat Tolyqbai: Mal ūrlyǧyna toqtau salu qajet

Qazaqstan Respublikasy Parlamentı Mäjılısınıŋ deputaty maqsat tolyqbaiūly Şyǧys Qazaqstan oblysy Qatonqaraǧai audanyndaǧy mal ūrlyǧyn nazarǧa ala otyryp, Qazaqstan Respublikasynyŋ Işkı ıster ministrı Erjan  Sadenovke deputattyq saual joldady.  Şyǧys Qazaqstan oblysyndaǧy Qatonqaraǧai audanynyŋ tūrǧyndary mal ūrlyǧynyŋ saldarynan qiyn jaǧdaiǧa tap bolǧan. Deputat auyl halqynyŋ Prezidentten kömek sūrauǧa mäjbür bolǧan äleumettık jelıge şyqqan videoündeulerın alǧa tartyp, özıne de on şaqty adamnyŋ osy mäsele boiynşa habarlasqanyn aitty. "Katonqaraǧaiǧa qarasty Şyŋǧystaidyŋ şyrqyn osy ūrylar būzyp bıtırdı. Alaqandai auyl halqyna ūry-qarynyŋ qorlyǧy äbden ötken. Tözımderı tausylyp, senımderı setınegen el endı bar ümıtterın el basşylyǧyna artyp, iaǧni Prezidentten kömek sūrap otyr. Öitkenı qoi qoralap, ırı-qara tabyndap, jylqysy üiır-üiırımen joǧalyp jatqan soŋ qaitsın?! Polisiia degennen äbden küder üzgen. Osy künge deiın qanşama maly qoldy bolyp, ūrlansa da, polisiia bırde-bır «tyşqaq laqtyŋ» saidan sanyn, qūmnan ızın tappaǧan. Būl nenı körsetedı?! Ne ızdeuge qūlyqsyz nemese ūry men polisiia auyz jalasyp, ymyralysyp, yntymaqta jūmys ısteidı. Aqiqaty osy" - dedı Maqsat Tolyqbai. Tūrǧyndardyŋ aituynşa, polisiia men ūrylar arasynda sybailasqan boluy mümkın.  Auyl tūrǧyndary oblystyq jäne audandyq ışkı ıster organdaryna bırneşe ret aryzdanǧan, bıraq būl şaǧymdar jauapsyz qaluda. "Qylmystyq kodeks boiynşa būl ortaşa auyr qylmys. Asa iri mölşerde jasalǧan mal ūrlaǧandar 7 jyldan 12 jylǧa deiingi sottalady»,-dep halyqty sendırgımız keledı. Tıptı, mal ūrlyǧy azaiyp keledı dep bızdı de ışkı ıster organdary sendırgılerı keledı. Al ıs jüzınde bärı kerısınşe" - dedı ol. Maqsat Tolyqbai ministrlıkke būl mäselege arnaiy nazar audarudy jäne Qatonqaraǧai audanynda reid ötkızıp, mal ūrlyǧyn toqtatu boiynşa keşendı şaralar qabyldaudy sūrady.