Jyl basynan berı Qaraǧandy oblysynda «Altyn jas» baǧdarlamasy ıske qosyldy. Būl – öŋır basşysy Ermaǧanbet Bölekpaevtyŋ bastamasy. Onyŋ jeke qabyldauyna egde jastaǧy adamdar jiı şaǧymdanyp, jūmys taba almai jatady. Baǧdarlama sūranysqa ie. Bır aidan az uaqyt aralyǧynda jüzge juyq adam jūmysqa ornalastyryldy.
Baǧdarlama oblystyq biudjetten qarjylandyrylady. Onyŋ erekşelıgı – öz komandasyna zeinetkerdı qabyldaǧan jūmys beruşılerge onyŋ jalaqysynyŋ jartysy subsidiialanady, bıraq bır eŋ tömengı jalaqydan artyq emes (2025 jyly – 85 myŋ teŋge). Alaide būl şekteudıŋ özınde de zeinetaqynyŋ ösımı jaman emes, sebebı jūmys beruşı de osynşa qosady.
Alǧaşqylardyŋ bırı bolyp zeinetker mūǧalımderdı qabyldap alǧan jekemenşık bılım beru ortalyqtary boldy.
Däriia Nūrekina 44 jyl auyldyq mektepte bastauyş synyp mūǧalımı bolyp jūmys ıstegen. Segız jyl būryn zeinetkerlıkke şyqqan. Şet audanynyŋ Aqjal auylynan balalarymen bırge qalaǧa köşıp keldı.
– Üide otyrǧym kelmeidı, kömegım tigenın qalaimyn. İnstagramnan osyndai baǧdarlama turaly habarlamany körıp, baiqap köruge şeşım qabyldadym. Mansap ortalyǧyna bardym. 8 qaŋtardan bastap osynda, damu ortalyǧynda jūmys ısteimın. Balalarmen ainalysamyn, olardyŋ mektepke daiyndaluyna kömektesemın. Bärı ūnaidy: süiıktı jūmysym, ortalyq üidıŋ janynda – jaiau kelemın, – deidı Däriia Nūrekina.
Ortalyqtyŋ äkımşısı Aida Öteuovanyŋ aituynşa, kün saiyn olarǧa 50-ge deiın bala keledı. Köptegen ata-analar jasy egde, täjıribesı bar pedagogtardy qalaidy, sondyqtan jaŋa paidaly qyzmetker tapqandaryna quanyşty.
«Altyn jas» baǧdarlamasy boiynşa aqpan aiynan bastap ortalyqqa taǧy bır zeinetker – universitettıŋ būrynǧy oqytuşysy jūmysqa keledı. Ol balalarǧa aǧylşyn tılın üiretedı.
Läzzat Asylbekova 40 jyldan astam Qarqaraly audanynyŋ Tomar auylynda bastauyş synyp mūǧalımı bolyp jūmys ıstegen. Ötken jyly zeinetke şyǧyp, Qaraǧandyǧa köşken. Qaŋtar aiynda baǧdarlama boiynşa Oŋtüstık-Şyǧystaǧy jaŋa köpqabatty üilerdıŋ bırınde aşylǧan jaŋa şaǧyn ortalyqqa ornalasty. Kün saiyn jūmysqa Maiqūdyqtan keledı.
– Baǧdarlamany qūrǧandarǧa rahmet! Zeinetkerler üşın būl jaqsy qoldau. Balalardy jaqsy köremın. Densaulyǧym jūmys ısteuge mümkındık beredı. Retı bolsa, üide otyrmaŋyzdar! Tört qabyrǧaǧa qamalyp otyra berseŋızder, tez qartaiyp ketesızder. Al būl jerde özımdı qajet sezınemın, barşaǧa paidasy bar: bız öz täjıribemızdı jastarǧa beremız, al olardan jaŋa närse üirenuge bolady, – dep Läzzat Asylbekova qūrdastaryn baǧdarlamaǧa qatysuǧa şaqyrady.
Zeinetker qosymşa tabysyn jinap, Qazaqstandy aralaǧysy keledı.
– Egde jastaǧy adamdardy resmi jūmysqa ornalastyru üşın «Altyn jas» arnaiy baǧdarlamasy äzırlendı. Ol zeinetkerlıkke şyqqan, bıraq küş-quaty mol jäne tabysyn arttyrǧysy keletın öŋır tūrǧyndaryna arnalǧan. Qaraǧandy oblysynda 180 myŋnan astam zeinetker tūrady, – deidı Qaraǧandy oblysy boiynşa eŋbek ūtqyrlyǧy ortalyǧynyŋ basşysy Nūrjan Syzdyqov. – Bügıngı taŋda baǧdarlamaǧa qatysuǧa 146 jūmys beruşı niet bıldırdı. Jūmysqa 96 adam jıberıldı. Negızınen olar bastauyş synyp mūǧalımderı, buhgalterler, menedjerler, küzetşıler. Mamandyqtar boiynşa eşqandai şekteu joq, türlı mamandyqtar boiynşa jūmys taba alamyz.
Biyl «Altyn jas» baǧdarlamasy boiynşa 400 adamdy jūmyspen qamtu josparlanǧan, al kelesı jyldary olardyŋ sany artatyn bolady.
