20 qaŋtarda Donald Tramp AQŞ-tyŋ 47-prezidentı retınde resmi türde qyzmetıne kırıstı, dep habarlaidy «Adyrna» tılşısı.
Ol dästür boiynşa arnaiy ötken ūlyqtau räsımınde prezidenttıŋ mındetterın adal oryndauǧa jäne el konstitusiiasyn qorǧauǧa ant berdı.
«Saltanatty türde prezident mındetterın adal oryndauǧa jäne AQŞ konstitusiiasyn saqtauǧa, qorǧauǧa ant etemın. Maǧan qūdai jar bolsyn!»—dedı ol.
Sondai-aq basşy öz sözınde däl qazır Amerikanyŋ altyn ǧasyry bastalyp jatqanyn atap öttı.
"AQŞ-tyŋ altyn ǧasyry däl qazır bastaldy. Bız bügınnen bastap bız güldenemız, barlyǧy bızge qyzǧana qaraityn bolady" degen Donald Tramp prezident retınde söilegen alǧaşqy sözınde. Ol Meksikamen şekarada tötenşe jaǧdai jariialap, eldı "basqynşylardan qorǧaitynyn" basa aitqan. "Tarihi jarlyqtar" şyǧaratynyn bıldırgen ol federaldyq deŋgeide ölım jazasyn qaita engızetının jariialady. Būǧan qosa resmi türde tek ekı jynysty ǧana moiyndaitynyn mälımdedı. "Meksika būǧazynyŋ atauyn "Amerika būǧazy" dep özgertemız" degen ol "Panama kanalyn qaitaramyz", "AQŞ tuyn Marsqa tıgemız" dep bır toqtady. Tramp AQŞ äskerınıŋ küşı soǧystaǧy jeŋıstermen ǧana emes, "soǧystardy aldyn alǧanymen" ölşenedı degendı atap körsetken. "Egemendıgımızdı qaitaryp, qauıpsızdıgımızdı nyǧaitamyz. Amerika tarihta bolmaǧan deŋgeide ūly elge ainalady. Amerikanyŋ qūldyrauy toqtaidy" degen Tramp. Tramp byltyr özıne jasalǧan qastandyqty da eske salyp, "Amerikany qaita ūly elge ainaldyru üşın özın qūdai saqtap qalǧanyn" aitty. Ol infliasiiany azaityp, baǧa ösımın toqtatuǧa uäde berdı. AQŞ prezidentı ükımet jūmysynyŋ tiımdılıgın qamtamasyz etetın jaŋa ministrlık qūrylatynyn da aitqan.Vaşingtonda ötken inaugurasiiaǧa Tramptyŋ jaqyndary – jūbaiy men balalary qatysty. Sondai-aq eks-prezident Djo Baiden, būrynǧy vise-prezident Kamala Harris, būrynǧy prezidentter Barak Obama (2009-2017), Bill Klinton (1993-2001), kışı Djordj Buş (2001-2009) jäne eks-memlekettık hatşy Hillari Klinton da keldı. Älemge äigılı biznesmen İlon Mask ta saltanatty jiynnyŋ qūrmettı qonaqtary qatarynda boldy.
AQŞ konstitusiiasy boiynşa, būrynǧy prezidenttıŋ qyzmetı 20 qaŋtarda Vaşington uaqytymen saǧat tüskı 12:00-de aiaqtalyp, sol uaqytta jaŋa prezident qyzmetıne kırısedı. Tramp būl joly ekınşı ret prezidenttıkke ant berdı. Ol 2017-2021 jyldary AQŞ-tyŋ 45-şı prezidentı mındetın atqarǧan edı. Sonda ol "Amerikanyŋ ūlylyǧyn qaitaramyz" dep ūrandaǧan bolatyn.
