17 qaŋtarda Ystambūlda Qazaqstan studentterıne arnalǧan "Janym Qazaqstan" qazaqstandyq filmınıŋ jabyq körsetılımı öttı. Qazaqstan Respublikasynyŋ Bas konsuldyǧy men "Şymbūlaq" tau şaŋǧysy kurortynyŋ qoldauymen ūiymdastyrylǧan ıs-şaraǧa 400-den astam student jinalyp, osy bıregei jobanyŋ alǧaşqy körermenderı atandy. QazaqGeography jäne QG Production bırlesken jobasy jastar arasynda ülken tolqyndar tudyrdy.
«Filmdegı oqiǧa jürekke äser etıp, özımızdıŋ mūra men tabiǧatymyzdy baǧalaudyŋ maŋyzdylyǧy turaly oi saldy»,— dep Ystambūlda oqityn Qazaqstannan kelgen student öz oiymen bölıstı.
Keşke Ystambūldaǧy Qazaqstan Respublikasynyŋ Bas konsuly Amanqūl Nūriddin, jobanyŋ bas prodiuserı Jasūlan Seisenhanov, filmnıŋ basty keiıpkerı Iliias Köpjasarov, kompozitor Kenjebek Nūrdoldai qonaq bolyp qatysty.
Sonymen qatar jabyq körsetılımge Mimar Sinan universitetınıŋ professory, türık ǧalymy Abdulvahap Kara, qazaq-türık Bılım jäne zertteuler qoǧamynyŋ basşysy Suleiman Oztoprak, "Qazaq Elı" jurnalynyŋ bas redaktory Ertolkun Gairetullah, käsıpker, "Gamma d 'oro"kompaniiasynyŋ basşysy Serık Tölekov, "Şynyraq" qazaq kafesınıŋ basşysy Daniiar İmanbakov keldı.
Film ämbebap taqyryp – mahabbat, dostyq jäne mädeni almasudyŋ maŋyzdylyǧy arqasynda Qazaqstannan tys jerlerde qyzyǧuşylyq tudyrdy.
«Bügıngı film şynymen de bızdı quantyp jäne maqtanyş sezımın tudyrdy. Bızde älemge körsetetın köp närse bar. Būl Arizona, Jaŋa Zelandiia nemese Şveisariia emes. Būl bızdıŋ bai, erekşe Qazaqstanymyz, ol nazar audaruǧa jäne taŋdanuǧa laiyq»,– dep atap öttı Qazaqstan Respublikasynyŋ Ystambūldaǧy Bas konsuly Amanqūl Nūriddin.
Sonymen qatar filmdı tamaşalauǧa jinalǧan studentter öz pıkırın bıldırdı.
«Film bızdıŋ tamyrymyz küş pen şabyttyŋ qainar közı ekenın eske salady. Men Qazaqstannyŋ älemdık auditoriiany qyzyqtyratyn jobalardy jasai alatynyn maqtan tūtamyn,»,—degen yqylastaryn jetkızdı olar.
