Qazaqstan internet jyldamdyǧy boiynşa Japoniiadan asyp tüstı

Speedtest Global Index qyzmetı 2024 jyldyŋ jeltoqsan aiynyŋ qorytyndysy boiynşa internetı eŋ jyldam elder men qalalardyŋ tızımın jariialady, dep habarlaidy «Adyrna» tılşısı. Jaŋa zertteude 154 eldıŋ 200-ge juyq qalasy taldandy. Qazaqstan mobildı internet jyldamdyǧy boiynşa 57-oryndy ielenıp, İspaniia men Japoniianyŋ arasynda ornalasty. Ortaşa jükteu jyldamdyǧy – sekundyna 53,76 megabit. Respublikamyzdaǧy mobildı internetı eŋ jyldam qala – Almaty, odan keiıngı orynda Astana tūr. Al keŋ jolaqty internet jyldamdyǧy boiynşa elımız 88-orynǧa jaiǧasty (73,67 megabit/s). Mobildı internet jyldamdyǧy boiynşa köş bastap tūrǧan elder qatarynda BAÄ, Katar jäne Kuveit bar. Al eŋ tömengı körsetkış Auǧanstanda tırkeldı. Mūnda jükteu jyldamdyǧy bar bolǧany 8,2 megabit/sekund.