Adam öltıru, tūrǧynjaiǧa qolsūǧylmauşylyqty būzu jäne zaŋsyz qaru ainalymy üşın qylmystyq jauaptylyqqa tartu maqsatynda Qazaqstannyŋ ekı azamaty Reseiden ekstradisiialandy. Būl turaly Bas prokuraturanyŋ baspasöz qyzmetı 20 qaŋtarda aitty, dep habarlaidy «Adyrna» tılşısı.
2023 jyldyŋ qaŋtarynda Şymkent qalasynda 5 adam tanysyn öltırudı josparlaǧan. Būl üşın olar tapanşa, metall şybyqtar men bita alyp, üiıne barǧan.
«Küdıktıler terezelerdı syndyryp, üige kırıp, jäbırlenuşıge asa qatygezdıkpen köptegen dene jaraqattaryn keltırgen. Keiın üidegı basqa adamdardy ūryp-soǧyp, jäbırlenuşı ömır belgılerın bermegenıne köz jetkızgen soŋ, oqiǧa ornynan boi tasalaǧan. Jäbırlenuşı auyr dene jaraqat saldarynan jedel järdem kölıgınde qaitys bolǧan»,—delıngen habarlamada.
Küdıktılerdıŋ ekeuı ızın suytpai ūstalyp, ärtürlı jazalarǧa tartylǧan. Al qalǧan üş küdıktı elden qaşyp ülgerıp, halyqaralyq ızdeuge jariialanǧan.
2024 jyldyŋ mamyrynda sybailastarynyŋ bırı körşıles elden ekstradisiialanyp, sottaldy. Qalǧan ekı ızdeudegı küdıktı ötken jyldyŋ şıldesınde Resei Federasiiasynyŋ Mäskeu oblysynda ūstalyp, Qazaqstan Bas prokuraturasynyŋ sūrauy boiynşa elge ekstradisiialandy.
Qazırgı taŋda küdıktıler tergeu izoliatoryna qamaldy. Aiyptalyp otyrǧan qylmystardy jasaǧany üşın olarǧa 15 jyldan 20 jylǧa deiıngı merzımge nemese ömır boiyna bas bostandyǧynan aiyru jazasy qarastyrylǧan.
