QazNews24 satiralyq paraqşasynyŋ avtory Temırlan Eŋsebektıŋ üiın polisiia taǧy da tıntude. Būl turaly Oyan, Qazaqstan qozǧalysynyŋ belsendılerı jariialady, dep habarlaidy “Adyrna” ūlttyq portaly.
«Şūǧyl! Qazırgı uaqytta QazNews24 satiralyq qoǧamynyŋ avtory Temırlan Eŋsebektıŋ üiınde tıntu jürgızılude. Aldyn ala mälımet boiynşa oǧan 174-bap (Äleumettık, ūlttyq, rulyq, rasalyq, sosloviialyq nemese dıni arazdyqty qozdyru) boiynşa aiyp taǧyluy mümkın»,delıngen qozǧalystyŋ habarlamasynda.
Aita keteiık, eger Oyan, Qazaqstan qozǧalysynyŋ mälımetı ras bolsa, būl satiraşynyŋ alǧaşqy tıntuı emes. 2021 jyldyŋ 15 mamyrynda polisiia Eŋsebekke tergeu jasaǧan bolatyn. Ol kezde Qylmystyq kodekstıŋ 274-babynyŋ 2-bölıgı (Qoǧam men memlekettıŋ zaŋmen qorǧalatyn müddelerıne nemese azamattardyŋ qūqyqtaryna jäne zaŋdy müddelerıne eleulı ziian keltıru qaupın tuǧyzatyn jalǧan aqparat taratu) boiynşa tergeu bastalǧan. Būl jaǧdaida Eŋsebek özınıŋ paraqşasy turaly sipattamasynda jariialanǧan aqparattyŋ feik jaŋalyqtar men iumor, satiralyq kontent ekenın jäne «adamdar men oqiǧalardyŋ ūqsastyǧy kezdeisoq ekenın» naqty jazǧan.
17 mamyrda halyqaralyq söz bostandyǧyn qorǧau ūiymy «Ädıl söz» jaǧdaiǧa tüsınıkteme bere otyryp, QR Qylmystyq kodeksınıŋ 274-babynyŋ satira men iumorǧa qatysy joq ekenın atap ötıp, polisiia qyzmetkerlerınıŋ Qazaqstan Konstitusiiasyn dūrys bılmeitının bıldırdı.
18 mamyrda bedeldı halyqaralyq qūqyq qorǧauşy ūiym «Şekarasyz reporterler» Qazaqstan bilıgınen söz bostandyǧyn qūrmetteudı sūrap, iumordyŋ qylmys emes ekenın erekşe atap öttı.
2021 jyldyŋ 20 mamyrynda halyqaralyq qūqyq qorǧauşy ūiym Human Rights Watch Eŋsebekke qarsy ıstı toqtatudy talap etıp, Qazaqstan bilıgınıŋ äzılderdı tüsınbeitının mälımdedı.
Aita ketu kerek, halyqaralyq ükımettık emes ūiym Amnesty International keiınırek Eŋsebektıŋ ısın feik jaŋalyqtar turaly Qazaqstan zaŋyn taldau kezınde mysal retınde keltırgen.
