AQŞ-tyŋ Qazaqstandaǧy elşısı Deniel Rozenblium diplomatiialyq mansabyn Qazaqstanda aiaqtap, zeinetke şyqty, dep habarlaidy “Adyrna” ūlttyq portaly.
”AQŞ-tyŋ Qazaqstandaǧy Elşısı qyzmetın atqaru men üşın ülken märtebe boldy. Būl dostyqty nyǧaitu, serıktestıkterdı qalyptastyru jäne ekı el arasyndaǧy bailanysty küşeitude bırlesken jūmys jürgızu siiaqty keremet ülken jol boldy. Būl tek söz jüzınde ǧana emes, ıs jüzınde şynaiy jol boldy”, - degen jazbamen bölıstı Deniel Rozenblium Instagramparaqşasynda.
Sondai-aq AQŞ elşısı qazaq tılınde ündeu joldady.
”Qūrmettı Qazaqstan halqy, menıŋ qūrmettı dostarym men ärıptesterım. Sız bıletındei, jan-jaqty oilana kele, men 20 qaŋtardan bastap Qazaqstandaǧy AQŞ elşısı qyzmetınen zeinetke şyǧu şeşımın qabyldadym. Bırneşe aidan keiın AQŞ Memlekettık departamentındegı 28 jyldyq qyzmetten keiın zeinetke şyǧamyn. Ötken jūma künı men Qazaqstannyŋ barlyq 17 öŋırın aralap şyqtym dep maqtanyşpen aita alamyn. Qaida barsam da, türlı sala men käsıp mamandarymen jüzdestım, barǧan jerımde menı qonaqjailyqpen qarsy aldy. Menı qūşaq jaia qarsy alyp, özderınıŋ tarihymen, dästürımen aşyq-jarqyn bölıskenı üşın men Qazaqstan halqyna dän rizamyn. Qazaqstanda körsetken ystyq yqylastaryŋyz ben qonaijailylyqtaryŋyz üşın şyn jürekten alǧys bıldıremın. Sonymen qatar Qazaqstan Ükımetıne serıktestık üşın şynaiy rizaşylyǧymdy aitamyn. Bız bırge köp närsege qol jetkızdık. Ekı el arasyndaǧy sauda bailanystaryn keŋeitıp, bılımdı nasihattadyq, äielder men jastardy qoldadyq. Sondai-aq Qazaqstannyŋ bai mädeni mūrasyn bırge därıptedık. Bırlesken küş-jıgerımızben beibıtşılık, qauıpsızdık jäne ekonomikalyq örkendeu siiaqty ortaq maqsattarymyzǧa aitarlyqtai ılgerı bastyq”, - dep qazaqstandyqtarǧa alǧys aitty.Ūqsas jaŋalyqtar
