Stanislav Cherchesov Qazaqstan ūlttyq qūramasyn 2026 jylǧy älem chempionatynyŋ ırıkteu kezeŋı aiaqtalǧanşa jattyqtyratyn bolady. Būl turaly Qazaqstan futbol federasiiasynyŋ prezidenttıgıne jaqynda sailanǧan Marat Omarov aitty, dep habarlaidy “Adyrna” ūlttyq portaly.
"Cherchesov Qazaqstan qūramasymen jūmysyn jalǧastyruda. Ol federasiia prezidentımen kezdesu ötkızıp, älem chempionatynyŋ ırıkteuıne daiyndyq josparyn talqylady. Nauryzǧa deiın uaqyt az qaldy, eşqandai özgerıster kütılmeidı, bärı jūmys tärtıbınde. Federasiia tarapynan bapkerge senım bar ma? Ärine, ol komandamen jūmysyn jalǧastyruda", — dedı "Match TV" arnasyna Qazaqstan futbol federasiiasynyŋ (QFF) basqaruşy direktory Qaisar Bekenov.
Būǧan deiın Cherchesov pen Qazaqstan futbol federasiiasynyŋ jaŋa prezidentı Marat Omarovtyŋ kezdeskenı jaily aitylǧan edı.
Jeltoqsan aiynda kommentator Ermūhamed Mäulen özınıŋ Telegram-arnasynda jaŋa QFF prezidentı Marat Omarov Cherchesovty otstavkaǧa jıberedı dep jazǧan bolatyn. Keiın federasiianyŋ baspasöz qyzmetı būl aqparatty joqqa şyǧardy.
Reseilık maman 2024 jyldyŋ mausym aiynda Qazaqstan ūlttyq qūramasyn bas bapker retınde qabyldady, būl qyzmette ol Magomed Adievtı auystyrdy. Qazaqstan qūramasy 2024 jylǧy Europa chempionatyna qatysu qūqyǧyn ala almady, qazırgı uaqytta Halyqaralyq futbol federasiiasy (FİFA) reitingınde Mavritaniia men Namibiianyŋ arasynda 110-orynda tūr.
Qaraşa aiynda Qazaqstan qūramasy UEFA Ūlttar ligasynyŋ toptyq kezeŋındegı soŋǧy matchynda Norvegiiadan 0:5 esebımen jeŋılıs tapty. Ūlttyq qūrama 1 ūpai jinap, kelesı mausymdy Liga C-de ötkızedı. Qazaqstan qūramasy Älem chempionatynyŋ ırıkteu kezeŋındegı alǧaşqy matchtaryn nauryz aiynda Uels jäne Lihtenştein komandalaryna qarsy ötkızedı.
