Stanıslav Cherchesov Qazaqstan ulttyq quramasyn 2026 jylǵy álem chempıonatynyń irikteý kezeńi aıaqtalǵansha jattyqtyratyn bolady. Bul týraly Qazaqstan fýtbol federaııasynyń prezıdenttigine jaqynda saılanǵan Marat Omarov aıtty, dep habarlaıdy “Adyrna” ulttyq portaly.
"Cherchesov Qazaqstan quramasymen jumysyn jalǵastyrýda. Ol federaııa prezıdentimen kezdesý ótkizip, álem chempıonatynyń irikteýine daıyndyq josparyn talqylady. Naýryzǵa deıin ýaqyt az qaldy, eshqandaı ózgerister kútilmeıdi, bári jumys tártibinde. Federaııa tarapynan bapkerge senim bar ma? Árıne, ol komandamen jumysyn jalǵastyrýda", — dedi "Match TV" arnasyna Qazaqstan fýtbol federaııasynyń (QFF) basqarýshy dırektory Qaısar Bekenov.
Buǵan deıin Cherchesov pen Qazaqstan fýtbol federaııasynyń jańa prezıdenti Marat Omarovtyń kezdeskeni jaıly aıtylǵan edi.
Jeltoqsan aıynda kommentator Ermuhamed Máýlen óziniń Telegram-arnasynda jańa QFF prezıdenti Marat Omarov Cherchesovty otstavkaǵa jiberedi dep jazǵan bolatyn. Keıin federaııanyń baspasóz qyzmeti bul aqparatty joqqa shyǵardy.
Reseılik maman 2024 jyldyń maýsym aıynda Qazaqstan ulttyq quramasyn bas bapker retinde qabyldady, bul qyzmette ol Magomed Adıevti aýystyrdy. Qazaqstan quramasy 2024 jylǵy Eýropa chempıonatyna qatysý quqyǵyn ala almady, qazirgi ýaqytta Halyqaralyq fýtbol federaııasy (FIFA) reıtınginde Mavrıtanııa men Namıbııanyń arasynda 110-orynda tur.
Qarasha aıynda Qazaqstan quramasy ÝEFA Ulttar lıgasynyń toptyq kezeńindegi sońǵy matchynda Norvegııadan 0:5 esebimen jeńilis tapty. Ulttyq qurama 1 upaı jınap, kelesi maýsymdy Lıga C-de ótkizedi. Qazaqstan quramasy Álem chempıonatynyń irikteý kezeńindegi alǵashqy matchtaryn naýryz aıynda Ýels jáne Lıhtenshteın komandalaryna qarsy ótkizedi.
