Bügın oblys äkımı Nūrlybek Nälıbaev Qyzylorda qalasyndaǧy 600 oryndyq mekteptıŋ aşylu räsımıne qatysty. Bılım oşaǧy «Jaily mektep» ūlttyq jobasymen salynǧan.
Oǧan oblystyq mäslihat töraǧasy Mūrat Tıleuımbetov, ardagerler keŋesınıŋ töraǧasy Serık Düisenbaev, qoǧamdyq keŋes töraǧasy Ärıp Hojbanov, ziialy qauym ökılderı men jauapty sala basşylary jäne qala tūrǧyndary qatysty.
Aimaq basşysy jinalǧan jūrtşylyqty eŋselı de säulettı mekteptıŋ aşyluymen qūttyqtap, ızgı tılegın jetkızdı.
«Prezidentımız «Orta bılımnıŋ sapasy – tabysty ūlt boludyŋ taǧy bır maŋyzdy şarty. Ärbır oquşynyŋ bılım alyp, jan-jaqty damuy üşın qolaily jaǧdai jasaluǧa tiıs. Sol üşın «Jaily mektep» ūlttyq jobasy qolǧa alyndy» degen bolatyn.
Jaŋa mektepterdıŋ aşyluy – būl jai ǧanaǧimarattardyŋ salynuy emes, jaŋa däuırde bılım alatyn oquşylarǧa jaŋa mümkındıkter syilau. Memleket basşysynyŋ bastamasymen jüzege asqan «Jaily mektep» ūlttyq jobasy aiasynda öŋırde 6 900 orynǧa arnalǧan 10 mektep salu josparlanyp, onyŋ alǧaşqy 900 oquşyǧa arnalǧan mektebın ötken jyldyŋqazan aiynda sol jaǧalaudan tabystadyq.Osy aidyŋ basynda Jaŋaqorǧan audanynyŋ Jaŋaryq auylynda jäne Aral qalasynda 300 oryndyq 2 jaily mektep aşyldy. Būl arqyly Jaŋaryq auylyndaǧy beiımdelgen ǧimaratta ornalasqan, Aral qalasyndaǧy üş auysymdy oqytuǧa köşuı mümkın mektepterdegı oryn tapşylyǧy mäselesı şeşımın tapty.
Bügın mıne, «Samūryq-Qazyna» aksionerlık qoǧamynyŋ üilestıruımen jüzege asqan, qūny 4 mlrd 732 mln teŋge bolatyn 600 oryndyq «Jaily mekteptı» şäkırtter men ūstazdarigılıgıne beremız. Jaŋa nysandy salu arqylybeiımdelgen ǧimaratta ornalasqan Äbu Qūdabaev atyndaǧy №197 orta mekteptıŋ mäselesın şeştık. Qūrylys bastalǧaly berı balalarymyzǧa qala ışındegı basqa mektepte oquyna tura keldı. Ūrpaq igılıgıne baǧyttalǧanortaq ıste tüsınıstık tanytqan barşa ata-analarǧa alǧysymyzdy bıldıremız. Jasampaz ısterdıŋ jarşysy bolatyn jetkınşekterımızendı qolaily ärı qauıpsız, zamanaui jabdyqtalǧan, keŋ de jaily mektepte bılım alatyn bolady. Bügın tabystalǧan jaŋa bılım ǧimaratynan aldyŋǧy buynnyŋ ızgı jolyn jalǧaǧan bılımdı, talantty şäkırtter şyǧatynyna senımımız mol. Sanasy sergek, oiy ūşqyr, bäsekege qabılettı oquşylarymyz köp bolǧai», – dedı aimaq basşysy.
Saltanatty ıs- şarada bılım salasynyŋ ardagerı, QR Bılım beru ısınıŋ üzdıgı, Qyzylorda qalasynyŋ Qūrmettı azamaty Altynsary Şürenov jiylǧan jūrtşylyqty qūttyqtady. Eŋbek ardagerı, Qyzylorda oblysynyŋ Qūrmettı azamaty, Qazaqstan Respublikasynyŋ eŋbek sıŋırgen qairatkerı, «Qūrmet» ordenınıŋ iegerı Qorǧanbek Qairollaūly batasyn berdı. Sondai-aq, aimaqtyŋ äleumettık-ekonomikalyq damuyna üles qosqan azamattar men qūrylys mekemesınıŋ mamandary marapattaldy.
Aita keteiık, 2024 jyly bılım salasyna bölıngen qarjy 264 mlrd teŋgege, aldyŋǧy jylmen salystyrǧanda 9,3 paiyzǧa ūlǧaidy. Salanyŋ biylǧy biudjetı 308 mlrd 134 mln teŋge, būl ötken jylmen salystyrǧanda 16,9 paiyzǧa arttyq.
Byltyr aimaqta 6 mektep, 5 mektepke qosymşa ǧimarat salynyp, ıske qosyldy.Nätijesınde Aral audany Toqabai auylyndaǧy №248, Şielı kentındegı №252 jäne Janseiıt auylyndaǧy №133 apatty mektepterdıŋ mäselesı şeşıldı.
«QazGermūnai» kompaniiasynyŋ demeuşılıgımen Qyzylorda qalasynda zamanaui ülgıdegı «Oquşylar saraiy»,Jaŋaqorǧan audanynda «Oquşylar üiı» men «Öner mektebı» el igılıgıne tabystaldy.
Balalar men jasöspırımderdıŋ şyǧarmaşylyǧyn şyŋdau maqsatynda oblys ortalyǧynan «Şyǧarmaşylyq akademiiasy»,daryndy balalarǧa arnalǧan fizika-matematika mektep-internaty, «Sauts Oil» kompaniiasynyŋ demeuşılıgımen muzykalyq kolledjdıŋ jaŋa ǧimaraty boi köterude. Jyl ışınde Şielı audanynda da «Oquşylar üiı»men «Öner mektebı» jūmysyn bastaidy.
Biyl «Bılım beru infraqūrylymyn qoldau qory» esebınen Aral audanynyŋ Jalaŋaş auylynan 150 oryndyq mektep salynady.Byltyr 8 mektep ǧimaratyna kürdelı jöndeu jürgızıldı. Memleket basşysynyŋ 1300 mekteptı kürdelı jöndeu tapsyrmasyna säikes 3 jyl ışınde oblystaǧy 51 mektep, biyl sonyŋ 9-y kürdelı jöndeuden ötedı.
Ūqsas jaŋalyqtar
