Aqtaudaǧy apat. Lavrov qara jäşık mälımetın "qyzyqty aqparat" atady

Resei syrtqy ıster ministrı Sergei Lavrov Qazaqstannyŋ Aqtau qalasynda qūlaǧan Äzerbaijan äue kompaniiasynyŋ ūşaǧyndaǧy qara jäşıkterdıŋ mazmūny turaly pıkır bıldırdı, dep habarlaidy "Adyrna" ūlttyq portaly. Onyŋ aituynşa, jäşıkterdegı derekter köp qyzyqty aqparat bergenımen, BAQ-ta taraǧan apatqa qatysty mälımetterdı rastamaǧan. Būl turaly ol ötken jylǧy reseilık diplomatiianyŋ jūmys qorytyndysy boiynşa ötken baspasöz mäslihatynda aitty. Lavrov media keŋıstıgınde qara jäşıkterden alynǧan aqparatty negızsız qoldanu arqyly jaǧdaidy uşyqtyrmauǧa şaqyrdy. Ministrdıŋ aituynşa, tergeu aiasynda Braziliiada arnaiy kezdesu ötken. «Bız qara jäşıkterdı aştyq, olardyŋ mazmūny tergeudı tolyq aiaqtaudy kütu qajettıgın taǧy bır ret däleldeitın köptegen qyzyqty aqparat berdı», – dedı Lavrov. Resei men Äzerbaijan arasyndaǧy qarym-qatynas turaly aitqan Sergei Lavrov olardyŋ bailanysy senımdı ekenın atap öttı. Sondai-aq, ekı el prezidentterı tūraqty türde söilesıp, talqylauǧa jabyq taqyryptardyŋ joq ekenın mälımdedı. «Resei prezidentı [Vladimir] Putin men Äzerbaijan prezidentı [İlham] Äliev ükımetterdı özara tiımdı jaŋa jobalardy ızdeuge yntalandyru baǧytynda jaqsy jolǧa qoiylǧan», – dep qosty ministr. Eske sala keteiık, 25 jeltoqsan künı Bakuden Groznyiǧa baǧyt alǧan Äzerbaijannyŋ Azerbaijan Airlines (AZAL) äue kompaniiasyna tiesılı Embraer 190 ūşaǧy Aqtau qalasy maŋynda apatqa ūşyrady. Äue kemesınıŋ bortynda 67 adam bolǧan, onyŋ ışınde bes ekipaj müşesı bar. Apat saldarynan 38 adam qaza tauyp, 29 adam aman qaldy. 7 qaŋtarda Braziliiada qūlaǧan ūşaqtyŋ qara jäşıkterın  şifryn şeşu aiaqtalǧany belgılı boldy. Qara jäşıktıŋ ekı jazǧyşynan alynǧan tiıstı aqparat Qazaqstan bilıgıne jıberılgenı habarlandy. 15 qaŋtarda Qazaqstan Azerbaijan Airlines äue kompaniiasynyŋ ūşaǧynan alynǧan qara jäşıkterdıŋ Braziliiadan jetkızılgen derekterın zertteuge kırıstı.