Qostanai oblysynda Lexus jol talǧamaityn kölık jürgızuşısı men patruldık polisiia qyzmetkerlerı arasynda janjal şyqty, dep habarlaidy “Adyrna” ūlttyq portaly Tengri Auto saityna sıltep.
Kölık Qostanai - Äulieköl - Sūrǧan tas jolynda jyldamdyqty asyrǧany üşın toqtatylǧan. Jürgızuşı men poliseilerdıŋ qyzu äŋgımesı videoǧa tüsırılıp, qyzmettık tergeu jürgızıldı.
Qostanai oblysy IID ökılınıŋ aituynşa, oqiǧa 4 aqpanda bolǧan, bıraq video köpşılıkke keiınırek taraǧan. Jazbada, belgılı bolǧandai, būryn jol polisiiasynda jūmys ıstegen Lexus jürgızuşısı patruldık polisiia qyzmetkerlerınıŋ äreketıne köŋılı tolmaitynyn aityp, ony toqtatuǧa qūqyǧy joq ekenın aitady. Jauap retınde patrul qyzmetkerlerı jyldamdyqty şekten asyryp jatqanyn alǧa tartady.
Polisiia departamentı qyzmettık tekserudıŋ nätijesınde oqiǧaǧa qatysqan ekı polisiia qyzmetkerı de qyzmetterınen bosatylǧanyn habarlady.
Būl oqiǧa qoǧamda ülken rezonans tudyrdy. Jelı qoldanuşylary polisiia qyzmetkerlerı dūrys äreket etuge tyrysqanyn, bıraq soŋynda öz lauazymdarynan bosatylǧanyn aituda.
Lexus kölıgınıŋ jürgızuşısı Qostanai oblysynyŋ IIM akademiiasynyŋ magistratura studentı ekenı anyqtaldy.
"Jürgızuşınıŋ qataŋ jauapkerşılıgı, tıptı jūmystan bosatu mäselesı tekseru nätijesınde qaralatyn bolady", — dep mälımdedı polisiia.
Sondai-aq, ol mūndai qūqyq būzuşylyqtardyŋ oryn aluyna jol berılmeitının jäne ol qataŋ toqtatylatynyn atap öttı.
