Ūlttyq muzyka önerınıŋ besıgı – Jambyl atyndaǧy Qazaq memlekettık filarmoniiasynyŋ qūrylǧanyna 90 jyl toldy.
1935 jyly 14 qaŋtarda Qazaq KSR Halyq Komissarlar Keŋesınıŋ qaulysymen Qazaq memlekettık filarmoniiasynyŋ qūryluyna äbden qisyndy türde äkelıp soqtyrǧan ūlttyq öner ūjymdarynyŋ, aǧartuşylyq jäne konserttık ıs-şaralardyŋ qūryluy jan-jaqty qoldau tapty. Al 1938 jyly oǧan Jambyl Jabaevtyŋ esımı berıldı.
Filarmoniianyŋ alǧaşqy direktory jäne körkemdık jetekşısı – körnektı muzykatanuşy, kompozitor, dirijer, Qazaq KSR-nıŋ halyq ärtısı, Qazaq KSR Ǧylym akademiiasynyŋ akademigı, qoǧam jäne memleket qairatkerı, qazaq tılı boiynşa tamaşa monografiialardyŋ avtory Ahmet Jūbanov boldy.
Filarmoniia qūramyna sol kezde Qazaq OAK atyndaǧy ūlttyq orkestr (1939 jyly Memlekettık hor kapellasy bolyp qaita qūrylǧan) dep atalatyn dombyra orkestrı, ūlttyq hor, bi ansamblı jäne änşıler men halyq aspaptar orkestrınıŋ ülken toby, B.Lebedev qūrǧan ışektı aspaptar kvartetı men Jetısu qazaq-orystarynyŋ än-bi ansamblı kırdı.
1939 jyly filarmoniia janynan M. M. İvanov-Sokolovskii jäne L. M. Şargorodskiidıŋ jetekşılıgımen simfoniialyq orkestr qūryldy. 1944 jyly qazaq ūlt-aspaptar orkestrıne Qūrmanǧazy esımı berıldı. Qazaq filarmoniiasy otandyq jäne älemdık klassikanyŋ üzdık şyǧarmalaryn, qazaq kompozitorlarynyŋ tuyndylaryn, halyq muzykalyq folkloryn, keŋestık kompozitorlar şyǧarmalaryn käsıbi joǧary-deŋgeide nasihattap keledı. Filarmoniia köktemgı muzykalyq «Jıger» festivalın, «Balalardyŋ muzyka aptalyǧyn», äŋgıme-konsertterdıŋ abonementtık toptamasyn, ūlttyq jäne simfoniialyq muzkalyq konsertterın ötkızdı. 70 — 80-jyldary J.Äubäkırova, A.Mūsaqojaeva, G. Myrzabekova, G. Moldakärımova siiaqty halyqaralyq baiqaulardyŋ laureattary sahnaǧa şyqty. Qazaq filarmoniiasynyŋ qūramynda hor kapellasy (jetek. QR eŋbek sıŋırgen qairatker B.Demeuov), «Otyrar sazy» folklorlyq-etnografiialyq akademiialyq orkestr (jetekşı QR eŋbek sıŋırgen artist K.Ahmetov), respublikalyq kameralyq «Solister akademiiasy» orkestrı (jetekşı QR eŋbek sıŋgırgen artist A.Mūsaqojaeva), Memlekettık ışektı kvartet, Memlekettık akademiialyq simfoniialyq orkestr (jetekşı QR halyq artist T.Äbdıraşev) jäne änşıler toby kırgen.
Bügıngı künı Filarmoniianyŋ bas direktory- Abdualiev Aqan Jylqyşybaiūly.
