Atyraýdaǵy munaı-gaz óńdeý zaýytynda apat boldy, dep habarlaıdy "Adyrna" ulttyq portaly KTK-ǵa siltep.
Óndiris aýmaǵynda aqaý shyǵyp, qubyr jarylǵan. Janarmaı jan-jaqqa tógilgen.
Kásiporynnyń resmı habarlamasynda jer astyndaǵy qubyr jaryldy delingen. Qazir ol rezervýardan ajyratylǵan.
“Jarylǵan qubyrdy taptyq. Jerdiń astynda jatqan. Qazir jóndelip jatyr. Jerdiń astynan qazyp,taptyq. Ne jaǵdaı bolǵanyn komıssııa anyqtaıd”, – dedi AMÓZ dırektorynyń óndiris jónindegi orynbasarynyń mindetin atqarýshy Nurlan Esjanov.
Óndiris aýmaǵyna 20-30 tonna shamasynda janarmaı tógilgen. Degenmen aqaý joıylyp, zaýyt jumys jasap turǵany anyqtaldy. Al tógilgen janarmaıdy keri soryp alyp, qaıta óńdeýge jibergen kórinedi.
