Aita keteiık, äleumettık jelıde balyq aulauşylardan köl betınde qalǧan qoqys turaly video taraǧan edı.
Ūlttyq park äkımşılıgınıŋ habarlauynşa video taraǧan kezde köl aumaǧynda qoqystan tazalau boiynşa keşendı jūmystar jürgızılıp jatqan. Ūlttyq park aumaǧynda keluşılerge tazalyq saqtau men tabiǧat erejelerı turaly aqparat ūdaiy berıledı. Sondai-aq, tazalyq jūmystary tūraqty jürgızıledı. Mysaly, 2024 jyldyŋ qaŋtar-qyrküiek ailarynda Kölsai kölderı aumaǧynan 80 tonna qatty tūrmystyq qaldyq şyǧarylǧan.
Al videony tüsırıp, tabiǧatqa janaşyrlyq tanytqan azamatqa alǧys bıldırgen Ūlttyq park äkımşılıgı qoqys pen balyq aulauşylar men demaluşylar qaldyrǧan qaldyqtar sol künı-aq tolyqtai tazalanǧanyn habarlady. Sondai-aq, tazalyq erejelerın būzǧan balyq aulauşylarǧa äkımşılık jauapkerşılık turaly eskertılıp, Ūlttyq park aumaǧynda ekologiialyq normalardy qataŋ saqtau turaly aqparat berılgen.
«Mereke jäne demalys künderı balyq aulauşylar men turister sany aitarlyqtai ösedı. Būl künderı Ūlttyq park qyzmetkerlerı küşeitılgen jūmysqa köşıp, tazalyq pen tärtıptı saqtau şaralaryn qamtamasyz etuge tyrysady. Alaida ökınışke qarai, tabiǧatqa janaşyrlyqpen qaramaityn adamdar da jiı kezdesedı. Ūlttyq park aumaǧyna keluşılerge būl tek demalys aumaǧy ǧana emes, tabiǧi bailyǧymyz ekenın sezınıp, jauapkerşılıkpen qarauyn sūraimyz», deidı Ūlttyq parkte.
Qazırgı kezde Kölsai kölderı aumaǧynda baqylau küşeitılıp, inspektorlar men Ūlttyq park qyzmetkerlerınıŋ sany köbeitılgen. Ärbır ekı saǧat saiyn reid ötkızıledı.
Köl aumaǧynda keluşılerge zaŋsyz balyq aulauǧa tiym salynǧany, ereje būzuşylyq üşın aiyppūl qarastyrylǧany, tazalyq saqtau turaly aqparat berılıp, eskertu jasalady. Al janaşyr azamattardy ekologiialyq mädeniettı qalyptastyru baǧytynda bırge jūmys ısteuge şaqyrady.
«Bız būl baǧytta erıktılermen, blogerlermen, tabiǧatqa janaşyr azamattarmen tūraqty türde ekologiialyq aksiia, ıs-şaralar ötkızıp, ekologiialyq mädeniettı qalyptastyru baǧytynda halyqqa aqparat jetkızgımız keledı. Öitkenı Kölsai kölderı syndy tabiǧi bailyqty saqtaudyŋ maŋyzdylyǧyn eŋ bırınşı kezekte qoǧam tüsınse deimız. Tabiǧatty qorǧau ısınde janaşyr azamattar atsalysyp, bızdıŋ serıktes, qoldauşylarymyzdyŋ qatarynda boluǧa şaqyramyz», deidı MŪTP äkımşılıgı.
Aita keteiık, 2024 jyly Almaty oblysy turizmnıŋ qarqyndy damuy boiynşa rekordtyq körsetkışterge qol jetkızdı. Qaŋtar men qazan aralyǧynda aimaqqa 1,6 million turist kelgen. Onyŋ ışınde «Kölsai kölderı» turister eŋ köp kelgen nysandardyŋ bırı. Mūnda 2024 jyly 394 903 demaluşy kelgen. Būl körsetkışter elımızde ışkı turizm damyp, turister köbeigenın körsetedı, alaida sonymen qatar, ekologiialyq mädeniettı arttyru qajettılıgı baiqalady.
