Reseı memlekettik dýmasynyń depýtaty Anatolıı Vasserman 2025 jyly KSRO qaıta qurylýy múmkin dep sanaıdy, dep habarlaıdy «Adyrna» tilshisi.
Ol jýrnalısterge bergen suqbatynda otarlyq ımperııalar ydyraıtynyn, biraq Reseı syndy alyp memleketterdiń qalpyna kelýi múmkin ekenin málimdedi. Depýtat muny nege súıenip aıtyp aıtyp otyrǵanyn negizdep, dálel keltirmedi.
«Mysal retinde kontınentaldy ımperııalardy qarastyraıyq. Olar kúıregennen keıin qaıta qurylyp, kerisinshe, odan ári kúsheıe tústi. Reseı — kontınentaldy ımperııanyń klassıkalyq mysaly»,—dedi depýtat.
Vasserman Keńes Odaǵynyń qaıta qurylýy 2025 jyly nemese aldaǵy jyldary múmkin bolady dep sanaıdy.
Buǵan deıin Reseı qaýipsizdik keńesi tóraǵasynyń orynbasary Dmıtrıı Medvedev KSRO-ny burynǵy kúıinde qalpyna keltirý múmkin emes degen bolatyn.
