2024 jyldyŋ jeltoqsan aiynda elımızdıŋ barlyq aimaqtarynda «Ört qauıpsızdıgı ailyǧy» bastalyp, tūrǧyndardyŋ qauıpsızdıgın qamtamasyz etu baǧytynda auqymdy profilaktikalyq şaralar qolǧa alyndy. Būl turaly Aqmola oblysy TJD Memlekettık ört basqaru basqarmasynyŋ basşysy Jaqsybaev Dosbol brifingte mälımdedı, dep habarlaidy Öŋırlık kommunikasiialar qyzmetınen.
Ailyq barysynda oblys kölemınde bırneşe baǧytta jūmystar jürgızılıp, ört qauıpsızdıgı talaptarynyŋ saqtaluyna erekşe köŋıl bölıngen. Äleumettık älsız toptaǧy otbasylar men būryn qauıpsızdık erejelerın būzǧan tūrǧyn üiler qaita tekserılıp, 39 myŋnan astam jeke üi men 99 myŋnan astam tūrǧyn qamtyldy. Osy üilerdıŋ köbı avtonomdy jylu jüiesımen jabdyqtalǧandyqtan, olarda ört qauıpsızdıgıne qatysty aldyn alu şaralary erekşe nazarda boldy.
«Ört qauıpsızdıgı ailyǧy» aiasynda 500-den astam gaz jäne tütın detektorlary ornatyldy. Būl qūrylǧylar üide ört şyǧu qaupı bolǧan jaǧdaida der kezınde eskertu jasap, tūrǧyndardy qorǧauǧa mümkındık beredı. Sonymen qatar, 800-den astam jylu peşınıŋ tütın joldary tazartylyp, 1000-nan astam aqparattyq-nasihattyq materialdar tūrǧyndarǧa taratyldy. Osy arqyly adamdarǧa qauıpsızdık erejelerı men saqtyq şaralary jaily eske salyndy»,- dedı Dosbol Jaqsybaev.Jaŋa jyldyq merekeler qarsaŋynda qalalar men auyldarda qauıpsızdıktı qamtamasyz etu üşın arnaiy daiyndyq jūmystary jürgızıldı. 545 nysan, sonyŋ ışınde mektepter, mädeniet üilerı, meiramhanalar men kafe tekserıldı. Mūnda 157 zaŋbūzuşylyq anyqtalyp, olar şūǧyl türde tüzetıldı. Merekelık ıs-şaralar barysynda qauıpsızdıktı qamtamasyz etu üşın 20 jedel top qūrylyp, 15 bırlesken oqu-jattyǧu ötkızıldı. Būl ıs-şaralar ört söndıruşıler men basqa da tötenşe jaǧdailar qyzmetınıŋ üilesımdı jūmysyn qamtamasyz ettı. Ailyq aiasynda pirotehnikalyq būiymdardyŋ zaŋsyz saudasyna qarsy reidter de jürgızıldı. 160 reidtıŋ nätijesınde 279 zaŋsyz pirotehnikalyq būiym tärkılenıp, 80 äkımşılık hattama toltyryldy. Būl şaralar arqyly azamattardy qauıpsızdıkke jatpaityn pirotehnikalyq önımderden qorǧau maqsatynda maŋyzdy qadamdar jasaldy. Sonymen qatar, käsıpkerlerdıŋ ört qauıpsızdıgı talaptaryn saqtau mäselesı de nazardan tys qalǧan joq. «Atameken» ūlttyq käsıpkerler palatasynda käsıpkerler men memlekettık organdardyŋ ökılderımen arnaiy döŋgelek üstel öttı. Onda meiramhanalar, kafe men klub ielerıne ört qauıpsızdıgıne qatysty naqty keŋester men ūsynystar berıldı. Būl şara käsıpkerlerdıŋ jauapkerşılıgın arttyruǧa baǧyttalǧan. Spiker sözın tüiındei kele «Ört qauıpsızdıgı ailyǧy» barysynda atqarylǧan jūmystar tūrǧyndardyŋ qauıpsızdıgın qamtamasyz etuge baǧyttalǧan maŋyzdy şaralar bolǧanyn aitty. Tūrǧyndardy qauıpsızdık erejelerın saqtauǧa şaqyrdy.
