Oŋtüstık Koreia prezidentınıŋ küzet qyzmetıne ony tūtqyndau äreketı kezınde oq atuǧa rūqsat berılgen

2025 jyly 3 qaŋtarda Oŋtüstık Koreia prezidentı Iýn Sok Ioldı rezidensiiasynda tūtqyndau äreketı kezınde onyŋ qauıpsızdık qyzmetınıŋ bastyǧy Pak Chon Djun qajet bolǧan jaǧdaida tergeuşılerge qarsy jeke atys qaruyn qoldanuǧa būiryq bergen, dep habarlaidy "Adyrna" ūlttyq portaly TASS agenttıgıne sılteme jasap.  Būl turaly parlamentte köpşılıkke ie «Toburo» Demokratiialyq partiiasynyŋ ökılderı mälımdegen. Aita keteiık, oppozisiialyq partiia būǧan deiın «Iýn Sok Iol bülıgı jaǧdaiyn zertteu komitetın» qūrǧan bolatyn. Komitet müşelerı 3 qaŋtarda Antikorrupsiialyq tergeu basqarmasy prezidenttı tūtqyndau äreketın toqtatqanyn, sebebı qauıpsızdık qyzmetı qyzmetkerlerınıŋ qarulanǧanyn mälımdedı. «Sol künı prezidenttıŋ qauıpsızdık qyzmetınıŋ bastyǧy Pak Chon Djun, eger küzetşıler qaqtyǧysta jeŋılıske ūşyrasa, aldymen holostyq oqpen atudy, ol nätije bermese, oq-därı qoldanudy būiyrǧan. Mūndai qataŋ qarsylyqty Iýn Sok Iol men būrynǧy qorǧanys ministrı Kim Ion Hiondy soqyr senımmen qoldaityn loialister toby basqaryp otyr», – dep mälımdedı «Toburo» partiiasynyŋ ökılderı.