«Ana tili» gazetıne bergen sūhbatynda Qazaqstan Prezidentı Qasym-Jomart Toqaev jyl qorytyndysyn şyǧaryp, Qazaqstannyŋ memlekettık qūrylys strategiiasynyŋ negızınde jatqan negızgı qaǧidattardy atap öttı. Qazaqstannyŋ syrtqy saiasaty ūlttyq strategiiada negızgı oryndy alady, ol eldıŋ geosaiasi müddelerın, aimaqta jäne jalpy älemde beibıtşılık pen tūraqtylyqty saqtauǧa degen ūmtylysyn da körsetedı.
Jyldam özgermelı halyqaralyq tärtıpte Qazaqstan bırqatar eldermen jäne halyqaralyq ūiymdarmen tiımdı serıktestık ornatuǧa ūmtylyp, teŋgerımdı, pragmatikalyq jäne köpvektorly syrtqy saiasatty jalǧastyruda.
Qazaqstannyŋ syrtqy saiasatynyŋ maŋyzdy qaǧidattarynyŋ bırı – köpvektorlylyq, būl Resei, Qytai, AQŞ, Europalyq Odaq jäne basqalar siiaqty ärtürlı jahandyq oiynşylardyŋ müddelerı arasyndaǧy teŋgerımdı tabuǧa, täuekelderdı barynşa azaituǧa jäne paidany barynşa arttyruǧa mümkındık beredı. Bızdıŋ strategiialyq ärıptesterımızben qarym-qatynasty tereŋdetu – tūraqtylyqtyŋ kepılı.
Qazaqstannyŋ strategiialyq müddesı – aimaqty tūraqtandyru, ekonomikalyq bailanys pen qauıpsızdıktı nyǧaitu. Qazaqstan türlı platformalar arqyly aimaqtyq yntymaqtastyq ideialaryn belsendı türde alǧa jyljytuda.
Syrtqy saiasat pen tūraqty damu ekonomikalyq, äleumettık jäne ekologiialyq tūraqtylyqty saqtauǧa baǧyttalǧan strategiialar arqyly özara bailanysty, būl ışkı jäne halyqaralyq deŋgeide maŋyzdy ekenın atap ötken jön.
Tūraqty damuǧa ūmtylatyn elder osy salalardaǧy ūzaq merzımdı maqsattarǧa qol jetkızu üşın syrtqy saiasatynyŋ ärtürlı aspektılerın bırıktıredı. Būl jaǧynan Qazaqstan da tys qalǧan joq.
Ekologiia, klimattyŋ özgeruı, energetikalyq qauıpsızdık jäne sifrlyq transformasiia mäselelerı maŋyzdy sala bolyp qala beredı.
Qazaqstan orta derjava jäne pragmatikalyq syrtqy saiasaty bar memleket retınde tūraqty damuǧa müddelı jäne halyqaralyq ūiymdar aiasynda serıktestermen belsendı yntymaqtasady, sondai-aq klimattyŋ özgeruımen küresuge, bioärtürlılıktı saqtauǧa, azyq-tülık qauıpsızdıgıne qol jetkızuge baǧyttalǧan t.b. jahandyq bastamalarǧa qatysady.
Qazaqstannyŋ halyqaralyq alaŋdarǧa atsalysuy elge su resurstary, ekologiia jäne köşı-qonǧa qatysty mäselelerdı şeşuge, sondai-aq öŋırlık qauıpsızdıktı nyǧaituǧa mümkındık beredı.
Bızdıŋ köpvektorly syrtqy saiasatymyzdyŋ taǧy bır maŋyzdy tūsy men paidasy – taza tehnologiialardy paidalanuǧa, jaŋartylatyn energiia közderın damytuǧa jäne infraqūrylymdy jaŋǧyrtuǧa baǧyttalǧan jobalarǧa şeteldık investisiialardy tartu üşın jaǧdai jasau. Būl investisiialar tūraqty ekonomikaǧa köşudı jedeldetuge kömektesedı.
Halyqaralyq arenadaǧy pragmatikalyq äreketterdıŋ arqasynda elımız 15,7 milliard AQŞ dollaryn tarta aldy, būl Soltüstık jäne Ortalyq Aziia aimaǧyndaǧy eŋ jaqsy nätije boldy. Osylaişa, bızdıŋ elımız özınıŋ syrtqy saiasatyn jüzege asyruda qalyptasqan közqarasty ūstana otyryp, ornyqty damuǧa tıkelei äser etetın saiasi tūraqtylyqty qamtamasyz etudı jalǧastyruda.
Bekjan Sadyqov,
QR Prezidentı janyndaǧy QSZİ, Europa jäne amerikalyq zertetuler bölımınıŋ basşysy
