«Ana tili» gazetine bergen suhbatynda Qazaqstan Prezıdenti Qasym-Jomart Toqaev jyl qorytyndysyn shyǵaryp, Qazaqstannyń memlekettik qurylys strategııasynyń negizinde jatqan negizgi qaǵıdattardy atap ótti. Qazaqstannyń syrtqy saıasaty ulttyq strategııada negizgi oryndy alady, ol eldiń geosaıası múddelerin, aımaqta jáne jalpy álemde beıbitshilik pen turaqtylyqty saqtaýǵa degen umtylysyn da kórsetedi.
Jyldam ózgermeli halyqaralyq tártipte Qazaqstan birqatar eldermen jáne halyqaralyq uıymdarmen tıimdi seriktestik ornatýǵa umtylyp, teńgerimdi, pragmatıkalyq jáne kópvektorly syrtqy saıasatty jalǵastyrýda.
Qazaqstannyń syrtqy saıasatynyń mańyzdy qaǵıdattarynyń biri – kópvektorlylyq, bul Reseı, Qytaı, AQSh, Eýropalyq Odaq jáne basqalar sııaqty ártúrli jahandyq oıynshylardyń múddeleri arasyndaǵy teńgerimdi tabýǵa, táýekelderdi barynsha azaıtýǵa jáne paıdany barynsha arttyrýǵa múmkindik beredi. Bizdiń strategııalyq áriptesterimizben qarym-qatynasty tereńdetý – turaqtylyqtyń kepili.
Qazaqstannyń strategııalyq múddesi – aımaqty turaqtandyrý, ekonomıkalyq baılanys pen qaýipsizdikti nyǵaıtý. Qazaqstan túrli platformalar arqyly aımaqtyq yntymaqtastyq ıdeıalaryn belsendi túrde alǵa jyljytýda.
Syrtqy saıasat pen turaqty damý ekonomıkalyq, áleýmettik jáne ekologııalyq turaqtylyqty saqtaýǵa baǵyttalǵan strategııalar arqyly ózara baılanysty, bul ishki jáne halyqaralyq deńgeıde mańyzdy ekenin atap ótken jón.
Turaqty damýǵa umtylatyn elder osy salalardaǵy uzaq merzimdi maqsattarǵa qol jetkizý úshin syrtqy saıasatynyń ártúrli aspektilerin biriktiredi. Bul jaǵynan Qazaqstan da tys qalǵan joq.
Ekologııa, klımattyń ózgerýi, energetıkalyq qaýipsizdik jáne ıfrlyq transformaııa máseleleri mańyzdy sala bolyp qala beredi.
Qazaqstan orta derjava jáne pragmatıkalyq syrtqy saıasaty bar memleket retinde turaqty damýǵa múddeli jáne halyqaralyq uıymdar aıasynda seriktestermen belsendi yntymaqtasady, sondaı-aq klımattyń ózgerýimen kúresýge, bıoártúrlilikti saqtaýǵa, azyq-túlik qaýipsizdigine qol jetkizýge baǵyttalǵan t.b. jahandyq bastamalarǵa qatysady.
Qazaqstannyń halyqaralyq alańdarǵa atsalysýy elge sý resýrstary, ekologııa jáne kóshi-qonǵa qatysty máselelerdi sheshýge, sondaı-aq óńirlik qaýipsizdikti nyǵaıtýǵa múmkindik beredi.
Bizdiń kópvektorly syrtqy saıasatymyzdyń taǵy bir mańyzdy tusy men paıdasy – taza tehnologııalardy paıdalanýǵa, jańartylatyn energııa kózderin damytýǵa jáne ınfraqurylymdy jańǵyrtýǵa baǵyttalǵan jobalarǵa sheteldik ınvestıııalardy tartý úshin jaǵdaı jasaý. Bul ınvestıııalar turaqty ekonomıkaǵa kóshýdi jedeldetýge kómektesedi.
Halyqaralyq arenadaǵy pragmatıkalyq áreketterdiń arqasynda elimiz 15,7 mıllıard AQSh dollaryn tarta aldy, bul Soltústik jáne Ortalyq Azııa aımaǵyndaǵy eń jaqsy nátıje boldy. Osylaısha, bizdiń elimiz óziniń syrtqy saıasatyn júzege asyrýda qalyptasqan kózqarasty ustana otyryp, ornyqty damýǵa tikeleı áser etetin saıası turaqtylyqty qamtamasyz etýdi jalǵastyrýda.
Bekjan Sadyqov,
QR Prezıdenti janyndaǵy QSZI, Eýropa jáne amerıkalyq zertetýler bóliminiń basshysy
