Talǧarda kısı qolynan qaza tapqan 16 jastaǧy Şerzat Polattyŋ äpkesı Baqyt Reimova elden keşırım sūrady, dep habarlaidy “Adyrna” ūlttyq portaly.
Äleumettık jelıde taraǧan beinejazbada Baqyt Reimova halyqqa alǧys bıldıre otyryp, öz qatelıgın moiyndaitynyn aitty.
“Menı de tüsınıŋızder. Ekı bauyrymnan aiyrylyp otyrǧan maǧan da oŋai emes. Sol künı aşu üstınde boldym. Bıreu menı qorqytyp, aitqyzyp jatyr dep oilamaŋyzdar. Men de öz qatemdı bılem. Qazaq elıne basymdy iem, raqmet aitam! Qanşama pıkırdı jylap tūryp oqydym. Elden ketpes üşın men üşın dūǧa jasap jatqandar bar eken. Raqmet! Alla razy bolsyn. Otbasylaryŋyz aman bolsyn,” – dedı ol.Baqyt Reimova aǧasy Qarjaubai Nūrymovpen bırge 15 täulıkke qamauǧa alyndy. Būǧan deiın advokat Asqar Qaimaqov Qarjaubai Nūrymovqa qatysty QR QK-nıŋ 202-baby (“Bötennıŋ mülkın qasaqana joiu nemese büldıru”) boiynşa qylmystyq ıs qozǧalǧanyn mälımdegen. Būl aqparatty keiın polisiia rastady. Aita keteiık, 2024 jyldyŋ 4 qazanynda Almaty oblysynda bır top jas jıgıt 16 jastaǧy Şerzat Polatty aiausyz ūryp-soǧyp, sonyŋ saldarynan jasöspırım qaitys bolǧan. Oqiǧanyŋ videosy äleumettık jelıde tarap, qoǧamda ülken rezonans tudyrdy. 10 jeltoqsanda polisiia Qarjaubai Nūrymovty ūstaǧan bolatyn. Onyŋ tuystary Şerzattyŋ qazasyna ädıl tergeu jürgızudı talap etken edı. Būl oqiǧalar kezınde Nūrymovtyŋ “polisiia qyzmetkerıne pyşaqpen şabuyl jasady” degen aiyp taǧylǧany aityldy. Alaida, kuägerler būl mälımettı joqqa şyǧardy. Şerzat Polattyŋ qazasynan keiın 12 qazanǧa qaraǧan tünı onyŋ otbasynyŋ üiı örtke oranǧan. Tuystary būl oqiǧany küdıktı taraptyŋ qasaqana äreketımen bailanystyruda. Marqūmnyŋ tuystary men qoǧam belsendılerı ıstıŋ ädıl tergeluın talap etude. Oqiǧa el arasynda aşu-yza tudyryp, qūqyq qorǧau organdarynyŋ jūmysyna syn aityluda. Qazırgı taŋda tergeu jalǧasyp jatyr.
Ūqsas jaŋalyqtar
