Talǵarda kisi qolynan qaza tapqan 16 jastaǵy Sherzat Polattyń ápkesi Baqyt Reımova elden keshirim surady, dep habarlaıdy “Adyrna” ulttyq portaly.
Áleýmettik jelide taraǵan beınejazbada Baqyt Reımova halyqqa alǵys bildire otyryp, óz qateligin moıyndaıtynyn aıtty.
“Meni de túsinińizder. Eki baýyrymnan aıyrylyp otyrǵan maǵan da ońaı emes. Sol kúni ashý ústinde boldym. Bireý meni qorqytyp, aıtqyzyp jatyr dep oılamańyzdar. Men de óz qatemdi bilem. Qazaq eline basymdy ıem, raqmet aıtam! Qanshama pikirdi jylap turyp oqydym. Elden ketpes úshin men úshin duǵa jasap jatqandar bar eken. Raqmet! Alla razy bolsyn. Otbasylaryńyz aman bolsyn,” – dedi ol.
Baqyt Reımova aǵasy Qarjaýbaı Nurymovpen birge 15 táýlikke qamaýǵa alyndy. Buǵan deıin advokat Asqar Qaımaqov Qarjaýbaı Nurymovqa qatysty QR QK-niń 202-baby (“Bótenniń múlkin qasaqana joıý nemese búldirý”) boıynsha qylmystyq is qozǵalǵanyn málimdegen. Bul aqparatty keıin polıııa rastady.
Aıta keteıik, 2024 jyldyń 4 qazanynda Almaty oblysynda bir top jas jigit 16 jastaǵy Sherzat Polatty aıaýsyz uryp-soǵyp, sonyń saldarynan jasóspirim qaıtys bolǵan. Oqıǵanyń vıdeosy áleýmettik jelide tarap, qoǵamda úlken rezonans týdyrdy.
10 jeltoqsanda polıııa Qarjaýbaı Nurymovty ustaǵan bolatyn. Onyń týystary Sherzattyń qazasyna ádil tergeý júrgizýdi talap etken edi. Bul oqıǵalar kezinde Nurymovtyń “polıııa qyzmetkerine pyshaqpen shabýyl jasady” degen aıyp taǵylǵany aıtyldy. Alaıda, kýágerler bul málimetti joqqa shyǵardy.
Sherzat Polattyń qazasynan keıin 12 qazanǵa qaraǵan túni onyń otbasynyń úıi órtke oranǵan. Týystary bul oqıǵany kúdikti taraptyń qasaqana áreketimen baılanystyrýda.
Marqumnyń týystary men qoǵam belsendileri istiń ádil tergelýin talap etýde. Oqıǵa el arasynda ashý-yza týdyryp, quqyq qorǵaý organdarynyń jumysyna syn aıtylýda. Qazirgi tańda tergeý jalǵasyp jatyr.
