29 jeltoqsanda Tashkent - Astana baǵytynda ushyp kele jatqan ushaq bortynda jolaýshynyń jaǵdaıy nasharlap, Pavlodarlyq dáriger áıeldiń janynan bir saǵattan astam ýaqyt medıınalyq kómek kórsetken. Bul týraly Densaýlyq saqtaý mınıstrligi málimdedi, dep habarlaıdy “Adyrna” ulttyq portaly.
Aqparatqa sáıkes, ushý kezinde jolaýshylardyń biri aýyryp qalǵan. Bortta Pavlodarlyq dáriger-anestezıolog Murat Súleımenov boldy, ol jedel kómekke kelip, jolaýshynyń jaǵdaıyn baqylap otyrdy.
Bir saǵattan astam ýaqyt boıy dáriger áıeldiń janynda bolyp, qajetti kómek kórsetti.
«Ekıpajdyń úılesimdi jumysy men Murat Súleımenovtiń kásibıliginiń arqasynda áıeldiń jaǵdaıy aıtarlyqtaı jaqsaryp, ol joldy jeńil ári senimdi túrde jalǵastyra aldy», delingen habarlamada.
Murat Súleımenov Pavlodar temirjol aýrýhanasynda anestezıolog bolyp jumys isteıdi, joǵarǵy sanattaǵy bilikti dárigerdiń 28 jyl jumys ótili bar.
