27 jeltoqsanda Qyrǵyzstan prezıdenti Sadyr Japarov Qytaı-Qyrǵyzstan-Ózbekstan temir jolynyń qurylysyn saltanatty túrde ashty. Bul týraly memleket basshysynyń baspasóz qyzmeti jazdy, dep habarlaıdy «Adyrna» tilshisi.
Alǵashqy tas qalaý rásimi Jalal-Abad oblysynyń Tosh-Kýtchý aýylynda ótti. Oǵan Qytaı men Ózbekstannyń resmı ókilderi qatysty.
Japarov jobany qoldaǵany úshin Qytaı men Ózbekstanǵa alǵysyn bildirdi. Aıtýynsha, temir jol Ońtústik-Shyǵys jáne Batys Azııa, Taıaý Shyǵys, Túrkııa men Eýropalyq Odaq naryqtaryna jol ashatyn «Beldeý jáne jol»bastamasynyń mańyzdy jobasy bolmaq.
Uzyndyǵy 450 shaqyrymnan asatyn jelini salý jobasyna daıyndyq 2022 jyly úsh el Qytaıdyń Qashǵar aýdanynan Ózbekstan shekarasyna deıingi baǵytty kelisip, tehnıkalyq-ekonomıkalyq negizdemesin ázirleýge kelisken kezde bastalǵan edi. Jobaǵa $21 mıllıon ınvestıııa salynyp, 100-den astam jumys orny ashylady dep kútilýde.
