Balpyq bı aýylyndaǵy Qadyrǵalı Jalaıyrı atyndaǵy mektebine 400-ge jýyq kitap syıǵa tartyldy. Syılyqty Taldyqorǵan qalasyndaǵy Nazarbaev Zııatkerlik mektebiniń oqýshylary «Býkkrossıng» akııasy boıynsha jınady.
Akııa Táýelsizdik kúni qarsańynda bastaldy. Kitap jınaǵyna ár túrli janrdaǵy kórkem, ǵylymı, balalar ádebıeti kiredi. Úsh tilde enıklopedııalar, sondaı-aq qazirgi qazaqstandyq jáne sheteldik avtorlardyń shyǵarmalary bar. Akııany uıymdastyrýshylar men qatysýshylar jańa kitaptar oqý mádenıetin qalyptastyrýǵa jáne aýyl jastaryna paıdaly bolatynyna senimdi.
Bizdiń kitap qory sizderdiń «Býkkrossıng» akııasy arqasynda tolyqtyryldy. Kitap oqý - zamanaýı básekege qabiletti tulǵany qalyptastyrady dep sanaımyz. Osy akııany qoldaǵandardyń barlyǵyna alǵysymyzdy bildiremiz. Biz jańa kitaptar balalardyń nazaryn aýdarady jáne úlken qyzyǵýshylyqpen oqıdy dep senemiz, — deıdi aýyl mektebiniń kitaphanashysy Jadyra Samajanova.
Kezdesý barysynda oqýshylar úshin aktıvıtı ótkizildi. Balalar jańa kitaptarmen tanysyp, NIS oqýshylarymen birlesken is-sharalar týraly ıdeıalarymen bólisti.
Bul biz úshin keremet múmkindik, - dedi Qadyrǵalı Jalaıyrı atyndaǵy mekteptiń 8 - synyp oqýshysy Damıra Qasymbekova. — Men kópten beri oqyǵym kelgen birneshe kitapty taptym, endi osylardy demalysta oqýǵa múmkindigim bar!
Uıymdastyrýshylardyń oıynsha mundaı bastamalar jastar arasynda oqý mádenıetin damytýǵa jáne qala men aýyl arasyndaǵy baılanysty nyǵaıtýǵa yqpal etedi.
